Kyung Yang Katsu

營業中

休息中

韓式炸豬扒今次係第一次食，好處係多咗泡菜元素、韓國特色嘅配搭以及多種嘅醬料，感覺都幾有驚喜。🥢芝士&炸蝦套餐$188香脆吉列外衣包裹住薄豬扒，而內層藏着滿滿拉絲芝士，雖然係薄豬扒，但口感都幾彈牙，配合QQ口感嘅拉絲芝士一齊食，呢個組合一流；另一主角，炸蝦外面鬆脆唔油膩，而且都非常大隻、新鮮又鮮甜，好正👍。🥢吉列豬柳&炸蝦套餐$188 豬柳鬆軟得嚟又有口感，豬味濃香，吉列皮咬落爽脆唔油膩；呢個餐亦有炸蝦，同樣可以享受到雙重滋味😋。套餐包咗煎鵪鶉蛋飯、泡菜冷麵、沙律椰菜及前菜2款👇：飯嘅鵪鶉蛋細細隻但蛋黃超濃香。泡菜冷麵清爽解膩。前菜2款有白菜及韭菜。套餐內仲有幾款不同嘅醬料可以配搭炸物以增添風味，有松露鹽、甜甜地嘅炸豬扒醬、清爽wasabi、鹹鮮蝦仔醬及香甜芥末籽醬，仲要好有心思地砌咗個笑面，真係未食先開心。