影片
更多
2025-02-21
730 瀏覽
近日突然之間好想食順德菜，呢間酒家超出名，今次第一次食上環分店，一定要同朋友分享先好食！先送上我最愛🫖🍑白桃烏龍茶，超喜歡清香嘅白桃味，仲可以解油膩感，同以下嘅菜式配搭非常匹配！順德菜主打河鮮，所以點咗啲特色菜式：🥬生菜鯪魚球豆腐煲 $128如果想飲一口美味魚湯，呢個必點：入面除咗有鯪魚球之外，仲有大量配料：生菜、香滑嘅豆腐，感覺都幾豐富，魚湯亦都幾鮮味！🐟手作鮭魚卷 $368非常有特色嘅菜式，值得一試！香滑魚肉包住金華火腿，入口帶有咀嚼感得來又保持魚肉嘅鮮滑，呢碟餸菜仲有炸魚骨非常香口，送酒一流！🤍順德魚雲羹 $168香滑嘅豆腐羹搭配大量魚肉，豆腐切成幼條好考刀功，魚雲羹入口香滑細膩，建議可以加胡椒粉提味！💚順德小炒皇 $148小炒王必備嘅韭菜、蝦乾都齊備，特別加咗炸過嘅芋頭絲，味道就貫徹鹹鹹香香風格，有鑊氣令呢味餸菜更惹味！🖤考古欖角骨 $128每次去酒樓都會點嘅特色菜，欖角爆香加上金沙骨，酸酸甜甜味道有啲似菠蘿咕嚕肉，但係味道冇咁酸偏甜，如果想更香口建議加辣！💛另外都點咗一啲香口炸物，過一下口癮！金磚豆腐 $68特搜魷魚鬚 $78🦐窩貼大明蝦件 $130蝦多士炸至金黃色，入口金黃
先送上我最愛🫖🍑白桃烏龍茶，超喜歡清香嘅白桃味，仲可以解油膩感，同以下嘅菜式配搭非常匹配！
順德菜主打河鮮，所以點咗啲特色菜式：
🥬生菜鯪魚球豆腐煲 $128
如果想飲一口美味魚湯，呢個必點：入面除咗有鯪魚球之外，仲有大量配料：生菜、香滑嘅豆腐，感覺都幾豐富，魚湯亦都幾鮮味！
🐟手作鮭魚卷 $368
非常有特色嘅菜式，值得一試！香滑魚肉包住金華火腿，入口帶有咀嚼感得來又保持魚肉嘅鮮滑，呢碟餸菜仲有炸魚骨非常香口，送酒一流！
🤍順德魚雲羹 $168
香滑嘅豆腐羹搭配大量魚肉，豆腐切成幼條好考刀功，魚雲羹入口香滑細膩，建議可以加胡椒粉提味！
💚順德小炒皇 $148
小炒王必備嘅韭菜、蝦乾都齊備，特別加咗炸過嘅芋頭絲，味道就貫徹鹹鹹香香風格，有鑊氣令呢味餸菜更惹味！
🖤考古欖角骨 $128
每次去酒樓都會點嘅特色菜，欖角爆香加上金沙骨，酸酸甜甜味道有啲似菠蘿咕嚕肉，但係味道冇咁酸偏甜，如果想更香口建議加辣！
💛另外都點咗一啲香口炸物，過一下口癮！
金磚豆腐 $68
特搜魷魚鬚 $78
🦐窩貼大明蝦件 $130
蝦多士炸至金黃色，入口金黃鬆脆，多士厚薄適中，面層配原隻隻大蝦，味道都不錯！
🐔招牌炸子雞 $188
炸子雞外皮夠薄，雞肉都算嫩滑，味道偏鹹鮮，配飯會比較適合！
🥬生菜片鵪鶉酥 $148
平時我都幾鍾意食泰式生菜包，粵菜就第一次食，入面除咗有鵪鶉肉碎，仲有香筍同埋臘腸，口感味道都幾豐富，值得一試！
🍆魚香茄子 $128
熱辣辣嘅魚香茄子波冇得挑剔，我本身都幾鍾意食，茄子煮得好腍，入面充滿好香濃嘅鹹魚香氣，配搭肉碎撈飯食一流！
大良🥛炒鮮奶 $128
本身想食炸鮮奶不過賣晒，原來係鹹食嚟，質地有啲似賽螃蟹同炒滑蛋，味道就鹹鹹香香咁，都幾特別！
💛焗西米布甸 $168
呢度幾出名嘅甜品，必點！充滿吉士嘅香氣，入面有好多西米，焗布甸面層燒成薄片，「唔係太甜」令到呢個布甸唔會太膩！
(◍•ᴗ•◍)
全部都充滿好濃郁味道，所以都適合重口味嘅我，菜式鑊氣都足夠，油份略高一點點，餸菜配飯一齊食會更加美味！
張貼
