台酒鍋 (已結業)

雖然話開關可以去返旅行，但生活中總係有唔同原因令我地唔可以話飛就飛🥹 今次嚟咗呢間裝修好有台灣風味嘅餐廳，食得好開心🥹🥹由樓梯轉角行落餐廳地庫已經見到有台灣郵筒同好有風味嘅畫，完全唔覺係去緊食打邊爐🤣 餐廳入面座位嘅顏色配搭，仲有俾人掛卡仔嘅牆，係超級台灣嘅感覺！調味料區仲有啲台灣建築物佈置，令人未食已經好開心🤣食物方面🤣我地叫咗Lv 2嘅餐，不過之後開返後悔，因為見到人地食海鮮好似好正！啲海鮮又好大件，早知俾多少少叫埋👉🏻👈🏻 不過好在呢度嘅小食同自助區都好多選擇，最特別嘅係有好多菜嘅選擇！連羽衣甘藍都有！講起食材抌本，呢度竟然有任食movenpick雪糕！🤤我地叫咗沙茶豬骨同埋人蔘雞湯底，沙茶夠香，怕辣都可以食，用嚟淥牛肉超濃味，人蔘雞嗰邊淥吓菜同豆腐，吸哂啲雞湯，飲多兩啖都唔怕食到口渴🥰 其中最推介牛丸，有一款勁濃牛味仲有啲爆汁，食落同其他任食打邊爐要加錢叫先食到嗰隻牛丸一樣，好正🤤最後仲有呢度都幾多特色飲品，可以加錢叫台灣啤酒或者都可以拎罐裝珍奶～ 食物嘅選擇好多🤩