影片
更多
2025-04-08
495 瀏覽
最近男朋友終於試到依間由台灣過嚟香港嘅日式鐵板燒餐廳明水然·樂，餐廳坐落天后23樓高級地段，俯瞰絕佳維港海景！店家提供兩個價單嘅menu，兩個都可以品嘗多達14品嘅Omakase鐵板燒料理 ，晚市都係呢個menu【HKD$700 嚴選鐵板燒套餐】：呢個係人氣No.1套餐🥇而且高CP值，包含龍蝦二吃、南非鮑魚、北海道鮮貝、海膽多士、美國牛或者日本黑豚（可以二選一）同埋魚料理。如果想升級肉品，可以選擇日本A4/A5和牛（加$200）【HKD$880 極上鐵板燒套餐】：呢個套餐更加適合追求食物品質嘅你，套餐包含龍蝦三吃、南非鮑魚、海膽、鵝肝、北海道鮮貝、美國牛或者日本黑豚（可以二選一）、仲有原條時令鮮魚。同樣可以升級至日本A4/A5和牛（加$200），呢個set 仲限定可以提前預訂澳洲龍蝦一尾（加$300）兩個套餐都有嘅【南非鮑魚】同【菠蘿和牛漢堡包🍔】令人眼前一亮！取代傳統煎製做法，蒸焗南非鮑魚配上由石斑魚頭熬製已成嘅海苔汁，口感更加彈牙得嚟又唔韌！至於一口size嘅菠蘿和牛漢堡包牛肉味濃郁，一咬爆汁，仲可以要求double cheese 🧀，配上來自台灣嘅冰菜🥬、紅蘿蔔、蕃薯、剛好中和油
店家提供兩個價單嘅menu，兩個都可以品嘗多達14品嘅Omakase鐵板燒料理 ，晚市都係呢個menu
【HKD$700 嚴選鐵板燒套餐】：呢個係人氣No.1套餐🥇而且高CP值，包含龍蝦二吃、南非鮑魚、北海道鮮貝、海膽多士、美國牛或者日本黑豚（可以二選一）同埋魚料理。如果想升級肉品，可以選擇日本A4/A5和牛（加$200）
【HKD$880 極上鐵板燒套餐】：呢個套餐更加適合追求食物品質嘅你，套餐包含龍蝦三吃、南非鮑魚、海膽、鵝肝、北海道鮮貝、美國牛或者日本黑豚（可以二選一）、仲有原條時令鮮魚。同樣可以升級至日本A4/A5和牛（加$200），呢個set 仲限定可以提前預訂澳洲龍蝦一尾（加$300）
兩個套餐都有嘅【南非鮑魚】同【菠蘿和牛漢堡包🍔】令人眼前一亮！取代傳統煎製做法，蒸焗南非鮑魚配上由石斑魚頭熬製已成嘅海苔汁，口感更加彈牙得嚟又唔韌！至於一口size嘅菠蘿和牛漢堡包牛肉味濃郁，一咬爆汁，仲可以要求double cheese 🧀，配上來自台灣嘅冰菜🥬、紅蘿蔔、蕃薯、剛好中和油膩感～
炒飯同甜品都一啲都唔Hea ！兩個餐都有嘅和牛炒飯，炒得粒粒分明極有鑊氣；甜品亦都唔係普通嘅鐵板焦糖多士，而係73%濃郁朱古力心太軟，真係睇得出師傅嘅心機啊！當月壽星仲會招待主廚私房甜品！
而獨創嘅【一龍多吃🦞】已經成為店內招牌菜，唔同部位嘅龍蝦分成三道菜，分別係彈牙嫩美嘅【龍蝦肉身鐵板煎配龍蝦膏汁】、【龍蝦海膽撻】同【龍蝦濃湯】; 雖然 700蚊嘅嚴選鐵板燒套餐就只有【一龍二吃】，分別有【龍蝦肉身鐵板煎】以及【龍蝦味噌蜆湯】，不過一樣清甜可口，非常高水準～
三款$880 套餐限定菜式有咩更勝一籌呢? 【鵝肝多士配三年紅酒番茄蘋果醬🍷】入口即溶！師傅嘅調製方式令鵝肝完全冇油膩嘅感覺，酸酸甜甜嘅醬汁又係好夾濃郁嘅鵝肝😋由松葉蟹、龍蝦肉同海膽組成嘅【龍蝦塔塔】十足十成個果撻嘅外形，一啖包攬所有海鮮鮮味！最後嘅【原條時令鮮魚🐟】由師傅即場示範極速起骨術，而魚皮煎到超級金黃香脆，喺成條魚嘅靈魂，出面鐵板燒真係好少有得食成條魚🤤
張貼
