去滾

營業中

休息中

明明去完台灣旅行本應唔想食咁多台灣食物，但係又忍不住比樓下嘅招牌吸引。明明喺銅鑼灣咁多間餐廳咁多食肆，但係都依然比金輝陽中心二期呢個地方樓下嘅一個餐牌吸引着。見到佢嘅紅燒牛肉麵，滷肉飯咁吸引我又懷念住台灣嘅滋味，所以決定幫襯。上到去知道原來呢間係打邊爐嘅地方，午餐都好多人㗎。我深深俾佢嘅牛肉麵同埋滷肉飯吸引，所以每樣一款同朋友share。牛肉麵香濃，睇起上嚟極為吸引，食落去嘅時候突然之間湧入味蕾嘅係好似日式拉麵嘅叉燒質感，但係明明係牛肉點解可以炆到咁腍嘅？牛肉細面都好彈牙，而且有好多款前菜一路食一路解油膩。之後就到滷肉飯，黎到嘅時候俾佢嘅太陽蛋吸引，篤穿咗蛋黃之後撈埋啲滷肉每一啖都有蛋香，而且滷肉飯唔算好油膩食吓食吓唔覺就食晒啦。午餐餐牌裏面都仲有好多款選擇，下次你又可以再揀吓。