鐵牛台灣牛肉麵 (翡翠中心)

營業中

休息中

環境5分：樓上麵店好大地方，非常光猛，卡位非常闊落，可以望住D旅客上上落落，不停打卡，好過癮，畀五分。衛生5分：枱面放咗辣椒油同豉油，紙巾同牙籤，非常乾淨，衛生一樣滿分。服務5分： 服務員好親切，主動介紹食物，上唔到網落單仲樂意人手寫野，點菜上菜一樣咁快手，效率高，滿分。味道5分：1)    滋潤蜂蜜綠茶少少甜，好滋潤，熱辣辣嘅天氣飲落去一流。2)   宜蘭金桔檸檬蜜好清涼，鹹鹹地又唔會好過火，飲完喉嚨好舒服。3)   鹽酥小拼盤入面個鹽酥雞同花枝丸炸到好香脆，最緊要啖啖肉冇骨；Ｄ脆薯係番薯嚟嘅，好甜。4)   綜合滷味拼盤Ｄ豬耳卜卜脆，大腸夠鬆，一隻滷水蛋切開一半，空口食都唔會覺得好鹹。5)   總鋪師私房牛肉麵有齊金錢𦟌，牛肋條，牛筋，牛肚絲，好多料。啲牛肉非常淋，同有牛味，個湯頭非常清甜，碗麵有一個紅蘿蔔，一個白蘿蔔，同樣都係非常之淋。6)   金錢肚牛筋麵只係有金錢肚同牛筋，件數自然多D，兩件牛筋又粗又滑，好有趙頭，Ｄ金錢肚絲好爽。抵食5分：唔洗100蚊一碗正宗台灣牛肉麵，都非常之化算，抵食滿分。