尚青商號 (已搬遷) 新店位置

太耐無去旅行, 好掛住台灣, 又掛住台灣嘢食, 於是約咗好朋友去灣仔食呢間尚青商號, 齋聽店名已經好有文青氣息, 好有feel呢~晚上時間大概6:30PM 去到尚青商號, 店員話限時一小時, 人齊可以入座, 亦可以揀即時入座, 但都係即時計一小時。我地點咗: 三杯雞配白飯, 半筋半肉湯麵, 甜不辣, 台灣香腸, 冬瓜茶加珍珠台灣香腸: 略嫌香腸皮不夠香脆, 不過不失甜不辣: 好香口, 熱辣辣, 配少少生蒜食, 好好味, 份量好多半筋半肉湯麵: 有驚喜, 牛筋好腍, 煮得入晒味, 好正, 牛肉都幾香, 我揀咗幼麵, 湯味好濃, 好味道。三杯雞配白飯: 好朋友話味道不錯, 我無試到, 無影相。冬瓜茶加珍珠: 略嫌珍珠質感太軟身, 不Q彈, 冬瓜茶味道OK。整體食物味道好好, 不過應該落咗好多味精, 我同好朋友食完餐飯, 全晚都覺得好口渴。下次會去叫甜不辣外賣。