春水堂 (新城市廣場三期)

營業中

休息中

平日去新城市廣場，經過春水堂總見排長長一條龍，在人氣咁旺應該好嘢的心態下，已經心思思想試下。今日同屋企人又行過，見十一點半冇乜人等位，馬上衝入去坐低。叫咗紅燒牛肉麵，珍珠奶茶同黃金香酥雞。牛肉麵真係有料到，真係有台灣味道，牛肉軟硬適中有口感，麵夠彈囗，湯頭唔錯。香酥雞味道正宗，唔似其他地方肉少少全是粉漿。珍珠奶茶正常口味，珍珠有嚼頭。唯一缺點就係食物唔夠熱，牛肉麵湯已經變溫，拉麵已經黐埋一舊。可能係厨房不在舖面，上菜時間耐嘅關係，其實新城市廣場呢邊幾間舖嘅出品都同樣問題，上菜慢同埋餸菜唔熱，天氣冷時更為明顯。下次去其他春水堂再試真啲。