牛品台式火鍋

營業中

休息中

#父親節 帶爸爸食台式火鍋放題，我地揀左牛御品食到飽套餐，簡直應有盡有，呢個套餐既特色之處係竟然仲包左日本極品奈禾牛！湯底亦有好多唔同選擇，今次我地好好彩可以試到夏季限定既「蟲草花白玉藏珍鍋」湯底，呢個湯底每日限定架，原個冬瓜盅清熱解暑，十分之吸引呀！呢個套餐仲額外送飽魚同台式手搖飲品！大大隻鮑魚十分鮮甜！珍珠奶茶，茶味香濃，珍珠彈牙，比起手搖店出品，簡直有過之而無不及！打邊爐嘅主角，當然唔少得牛肉啦，呢個套餐除咗有美國頂級封門牛、牛小排同牛板腱、一口和牛等等嘅高質素靚牛，竟然仲包左日本極品奈禾牛！奈禾牛入口即溶，油脂分布岩岩好唔會油膩，肉質細膩、牛味濃，正呀！仲有十分之多既火鍋配料選擇！唔係到到有既台灣火鍋配料例如水蓮菜、米血糕、心內美等等！仲有好多台灣特色小食可以食到，有宜蘭蔥鹽小卷、蘭陽糕渣同台式甜不辣等等！一次過回味哂台式美味呀！最後，自製台式甜品令人十分之驚喜！三色芋圓、仙草凍、珍珠、綠茶愛玉，呢到都有提供！唔同既配料選擇令到整碗甜品口感豐富，食畢後令人心情愉悅！