臺坊 (香江大廈)

營業中

休息中

今晚同朋友黎灣仔食飯，想食台灣野，就試下呢間。呢度位置好近地鐵站，好方便。店舖牆上放左好多台式食物相。同朋友睇完餐牌，決定要手撕雞肉燥拌麵、炸豆腐肉燥飯、珍珠奶綠同小麥胚芽奶茶。手撕雞肉燥拌麵，手撕雞幾嫩滑，份量都算多，肉燥味道都唔錯，加埋配料醃菜同滷蛋，中和肉既香濃感覺，將所有野連麵一齊撈埋食，好食😋炸豆腐肉燥飯，炸豆腐外脆內軟，好香口🤤，搭配肉燥同滷蛋，好有台灣風味。珍珠奶綠，珍珠甜而不膩，而且夠彈牙，奶綠味道惹味，加埋黑糖珍珠，成杯感覺甜度岩岩好。小麥胚芽奶茶，呢杯朋友叫既，但我都飲左啖😁多左小麥胚芽增加成杯奶茶口感，好飲😋