桂花小幸 (元朗廣場)

營業中

休息中

桂花小幸係近期諗唔到食咩就去既晚餐飯堂。比較喜歡佢可以叫茶研社飲品入去堂食。今日天氣咁凍，本身想叫燉湯，可惜無🥹 唯有飲品著手，叫杯生薑奶茶暖暖身，男朋友唔怕凍，叫左杯芝士奶蓋炭燒烏龍。我個本真係好夠薑，好暖胃，飲到底直情有啲辣。我叫左個紅燒滷水雞翼麵（$52），男朋友叫左紅燒半筋半腩麵（$75）。再加配左滷水蛋（$8）同涼伴貓耳朵（$28）。食物份量好足，啲雞翼正常發揮，都夠入味。碗麵最正係個養生清燉牛肉湯，飲落口鮮甜，彌補返我飲唔到燉湯。男朋友就叫左紅燒牛肉湯，少少辣。個涼伴貓耳朵寫係辣，實際上都唔太辣，我平時唔食辣都食到。簡簡單單又一餐。