八方台式麵屋 (愉景新城)

營業中

休息中

今日經過呢間八方台式麵屋，突然好掛住台灣，台灣美食多元化，尤其鍾意去夜市，見到餐牌有師大香穌豬扒，即刻入黎試一試🤭。師大香穌豬扒+滷肉飯 $60，台灣茉香綠茶加 $6呢度D滷肉飯應該係自家制既😋😋，因為比一般滷肉大粒，有咬口，半肥瘦豬肉，油香十足，拌飯一流👍👍，亦好有台灣民宿既味道，因為以前去台灣成日住民宿，民宿D姨姨就好似媽媽咁🥰，成日煮一D地道美食(即係我哋既住家飯），呢碗滷肉飯就好有呢個感覺😊。不過略嫌有D少，同埋個滷蛋唔夠入味。至於個師大香穌豬扒，真係夜市既味道，炸得香口，滿滿既椒鹽味，好惹味，黎到黎既時候熱辣辣，即刻回憶返晒黎🤭。美中不足既係油左少少😅。台灣茉香綠茶，茶味夠香，亦帶到解膩既作用😚。另外仲叫左 麻醬椒香拌麵配原味鍋貼 $52有少少麻辣既味道，又唔會太辣，麵質略嫌淋左少少，可能太多醬汁，搞到都好膩😅。鍋貼都有少少脆既，不過唔夠熱，我覺得一般😅。整體食物都可以既，感覺都好重要，因為真係好掛住台灣🥺。