胡蝶 • 泰 (已結業)

昨晚到餐廳吃飯, 服務態度良好,工作人員十分有禮貌. 我們點了冬陰功湯, 湯夠熱,有火爐仔磬住. 湯都幾好飲. 料都好多. 泰式金柚肉鮮蝦沙律,可以,但金柚肉有小小乾,好彩個個沙律汁調較得很好,另到個沙律吃起來幾好味. 蒜蓉炒通菜, 爽口味道不錯, 但份量就比較小.泰式串燒我地選牛肉及豬肉, 餐廳竟然話無牛肉提供, 咁普通的食材都無? 我地只好㨂豬和雞肉.但張單就照打出牛肉及豬肉,明明無,又照舊顯示出來,真奇怪? 米紙卷只係一般,沒有清新的感覺. 我地有優惠可獲送燒雞一隻, 呢隻雞, 肉質真係好一般,不像燒雞的味道,只不過個皮燒到似燒雞而己,乾身無肉汁, 無香草味,應該係沒有什麼味道,靠點個醬汁食才好味.  芒果糯米飯OK..整體而言, 因為是正宗泰國味道, 所以汁醬和味度真係調較得幾好,只可惜內在食材質素就一般.