影片
更多
2020-11-10
437 瀏覽
本身想搵第二間日本餐廳，可惜行到太攰，所以就搵咗呢間試。過咗繁忙午巿入座所以唔使等位。怕晏晝食鍋物有點滯，揀咗套餐飯，五款無咗兩款(豬柳及三文魚)，選咗牛肉照燒及雞肉親子丼。等咗十分鐘左右兩個套餐都送上，望落去都整齊企理。漬物青瓜及蘿蔔偏酸，中華沙律味道正常無特別。沙律菜唔太新鮮，未至於尾部枯黃，色澤唔係SHARP。醋汁甜酸度適中，但有啲多，食完個底仲剩多汁。味噌汁有豆皮，味道偏咸似一般粉劑開水，不太好評。茶碗蒸有菇粒、雞肉粒。湯比例相對少，食到濃蛋味淡湯味，蛋偏挺稠身，無"震騰騰'感。食到近底部偏咸，呢個都難控制到的。主食牛照燒，扒身唔大，薄切。色澤偏黑沉，並非醃到深色，應該係唔太新鮮，望落都老身。咬落口小小鞋，醬汁救返，醬汁偏甜未算稠身。伴碟菜份量夠，洋蔥偏生，冬菇及南瓜都腍身入口，但味道不出，菜偏多油，不太推薦。親子丼望落都大碗，飯量足秤有一碗。入口雞肉雖腍但老身，有點韌乾，蛋亦都老，無嫩滑感，一樣要依賴個燒汁救返。飯粒本身偏水份，因上層醬汁滲落飯，成碗變咗偏糊黏黏的，失去咗食飯嘅咬感。最後附送嘅甜品奶凍，奶味香濃，質感有啲似忌廉、軟雪糕嘅綿綿密密，但又有啲似布甸的感覺，反而最驚
等咗十分鐘左右兩個套餐都送上，望落去都整齊企理。漬物青瓜及蘿蔔偏酸，中華沙律味道正常無特別。沙律菜唔太新鮮，未至於尾部枯黃，色澤唔係SHARP。醋汁甜酸度適中，但有啲多，食完個底仲剩多汁。
味噌汁有豆皮，味道偏咸似一般粉劑開水，不太好評。茶碗蒸有菇粒、雞肉粒。湯比例相對少，食到濃蛋味淡湯味，蛋偏挺稠身，無"震騰騰'感。食到近底部偏咸，呢個都難控制到的。
主食牛照燒，扒身唔大，薄切。色澤偏黑沉，並非醃到深色，應該係唔太新鮮，望落都老身。咬落口小小鞋，醬汁救返，醬汁偏甜未算稠身。伴碟菜份量夠，洋蔥偏生，冬菇及南瓜都腍身入口，但味道不出，菜偏多油，不太推薦。
親子丼望落都大碗，飯量足秤有一碗。入口雞肉雖腍但老身，有點韌乾，蛋亦都老，無嫩滑感，一樣要依賴個燒汁救返。飯粒本身偏水份，因上層醬汁滲落飯，成碗變咗偏糊黏黏的，失去咗食飯嘅咬感。
最後附送嘅甜品奶凍，奶味香濃，質感有啲似忌廉、軟雪糕嘅綿綿密密，但又有啲似布甸的感覺，反而最驚喜!
整體嚟講，不至於難食，OK的，可能係自己揀錯咗飯套餐，如果係鍋物可能比較出色，同等價錢可以考慮其他日式食店。至於服務好好，侍應們都好有禮貌亦都好快手回應。
張貼
