Terrace in seaside (新城市廣場一期)

營業中

休息中

上星期同朋友去沙田買聖誕禮物，行左陣就去食 Terrace in Seaside，今次已經係再訪，試下佢地新menu。輕盈又滿足的煙三文魚沙律煙三文魚份量十足，仲整成花嘅形狀好可愛，沙律好足料，感覺肉多過菜🤣沙律菜新鮮，而且仲有青瓜同青檸增加口感，解膩且開胃。超級肉醬芝士千層麵今次lee個千層麵都好多層，切開好多肉醬，仲層層分明，肉醬好夠味，千層麵上面仲有隻流心蛋 ，同埋都好多芝士，超級邪惡。不會爬煙囪的聖誕老人朱古力窩夫今次lee個waffle 切開左四小件，砌到好似木屋頂甘，waffle鬆脆，濃濃既朱古力味，而且不會好甜，旁邊有個胖胖嘅聖誕老人，側邊仲有d士多啤梨車厘子紅莓添。綠雪奶蓋聖誕西柚綠茶好有聖誕feel既飲品，上層係綠茶味奶蓋，有濃濃嘅綠茶味，下層係西柚綠茶，有聖誕裝飾同士多啤梨乾碎。雲海蘋果茶就甘睇好似啫喱粉嘅綠色，飲落有淡淡蘋果味。