影片
更多
2021-05-16
49 瀏覽
有日OT完話想打邊爐，見到哩間餐廳8點半後有68折所以吸引左我地去。去到門口見到土耳其種熱氣球背景，但又有中式櫃檯，睇完餐牌就知應該係因為提供多國湯底，例如：土耳其香草羊肉湯，北海道3.6牛乳櫻花湯，麻辣鴨血等...其中一款醬料係蔥油勁香，不過味道好強所以唔好落咁多，其中2小碟係小食：辣雲耳，辣青瓜。有好多湯底暫時都唔提供，不過主打的招牌花膠雞湯就一定有！花膠雞湯食得多，不過咁足料同咁濃郁的都係第一次見。半隻雞已經煮成半生熟，所以輕煮3分鐘就食得，雞肉仲好嫩滑😋叫左個手切A4和牛，上菜時店員話可以生食所以附上刺身豉油，一聽到生食就好興奮因為好耐都冇得去日本食！入口即溶，2個人唔洗2分鐘食晒，除左有一片唔小心跌左落枱面所以煮熟食之外，其他全部生食，完全覺得唔生食會浪費左片肉🙈黃金響鈴申請做會員送黃金響鈴。勁多黃金醬淋上面，超足料，新鮮炸脆卜卜，不過好膩，要多d人食先好。三拼滑（黑松露墨魚滑，瑤柱乾貝滑，手打蟹子蝦滑）全部滑都好特別，乾貝滑好少有，口感唔錯，亦係最好味。第二次8人食lunch, 4人限聚令所以中間隔左塊版。當然推介朋友食返手切A4和牛啦。今次仲要有2款唔同擺盤，仲要有埋乾冰
去到門口見到土耳其種熱氣球背景，但又有中式櫃檯，睇完餐牌就知應該係因為提供多國湯底，例如：土耳其香草羊肉湯，北海道3.6牛乳櫻花湯，麻辣鴨血等...
其中一款醬料係蔥油勁香，不過味道好強所以唔好落咁多，其中2小碟係小食：辣雲耳，辣青瓜。
有好多湯底暫時都唔提供，不過主打的招牌花膠雞湯就一定有！
花膠雞湯食得多，不過咁足料同咁濃郁的都係第一次見。半隻雞已經煮成半生熟，所以輕煮3分鐘就食得，雞肉仲好嫩滑😋
花膠雞湯
3 瀏覽
0 讚好
0 留言
叫左個手切A4和牛，上菜時店員話可以生食所以附上刺身豉油，一聽到生食就好興奮因為好耐都冇得去日本食！
手切A4和牛
9 瀏覽
0 讚好
0 留言
入口即溶，2個人唔洗2分鐘食晒，除左有一片唔小心跌左落枱面所以煮熟食之外，其他全部生食，完全覺得唔生食會浪費左片肉🙈
黃金響鈴
申請做會員送黃金響鈴。勁多黃金醬淋上面，超足料，新鮮炸脆卜卜，不過好膩，要多d人食先好。
三拼滑
（黑松露墨魚滑，瑤柱乾貝滑，手打蟹子蝦滑）
全部滑都好特別，乾貝滑好少有，口感唔錯，亦係最好味。
第二次8人食lunch, 4人限聚令所以中間隔左塊版。
當然推介朋友食返手切A4和牛啦。今次仲要有2款唔同擺盤，仲要有埋乾冰，啱晒打卡！
繼續全部當刺身生食
手切A4和牛
3 瀏覽
0 讚好
0 留言
手切A4和牛
33 瀏覽
0 讚好
0 留言
安格斯牛肉粒好稔，羊肉夠羶。
餃子拼盤+手打丸拼盤
我地2枱人交換左，所以相入面係合併左2個拼盤架。
黃金雙拼
上次試左黃金響鈴，今次拼埋炸魚皮，都係咁好食
鴨血，生根，厚切即炸午餐肉，脆肉鯇魚合符性價比。
足料竹蔗茅根
好驚喜，冇諗過會用地球儀的器皿裝，仲有個開喉位可以自己慢慢斟，慢慢影相。
碗碟+紙巾盒+牙籤筒都充滿土耳其色彩，食都食得開心啲。
期待餐廳快d供應其他特色湯底，好想再黎食，會員儲分仲有機會換switch添！
張貼
