PHI Coffee & Pancake (尖沙咀中心)

營業中

休息中

今日去咗尖東嘅PHI Coffee & Pancake 食下午茶，店舖嘅環境好舒服，主要裝修以簡約為主白色加木系。適合同朋友靜靜地傾吓偈食吓tea。呢度啲甜品實在太正，完全冇抵抗力🥹首先，食咗佢哋嘅士多啤梨慕絲疏乎厘，口感滑順，士多啤梨味濃郁，甜而不膩，真係一口接一口，停唔到手！跟住，漢堡扒全日早餐，漢堡扒煎得剛好，嫩滑多汁，配搭埋雞蛋同埋烤番茄，實在係一個完美健康嘅選擇。另外，龍蝦汁蟹肉扁意粉都好正！意粉煮得啱啱好，龍蝦汁香濃，蟹肉新鮮，簡直係一場味覺盛宴。飲品方面，我試咗飄浮士多啤梨梳打，清新又消暑，仲有鮮榨橙汁，味道好自然。