峰壽司

營業中

休息中

行到攰，所以食日本嘢。不過星期日等位等得耐d。呢間環境幾好，座位闊落，同隔離枱都唔近，坐得舒服。蟹肉雜菜好好食，最緊要冇蟹殼。佢啲味溝得適中，唔會太鹹，你又唔會覺得佢似粥，又唔會似泡飯。好適合小朋友，老人家食。好夠味。推介。不過佢好似係季節限定。三文魚壽司，秋刀魚壽司，都好食，好新鮮。秋刀魚壽司加咗辣油，估唔到又咁夾。上面鋪左秋刀魚刺身，入邊卷左炸秋刀魚，再加啲辣椒油，雙重口感好好食。三文魚壽司就正常啦，不過佢特長，好似食咗六件咁。性價比黎講，$10件，又係特長，我覺得OK wo。