影片
營業時間
今日營業
12:00 - 15:30
18:00 - 22:00
星期一至日
12:00 - 15:30
18:00 - 22:00
*最後落單時間: 21:30
以上資料只供參考, 請與餐廳確認詳情
【深水埗區】【峰壽司】星期一中午都要去南昌嗰邊做義工，要喺食飯時間同其他人鬥逼食飯。大家都知我從來都唔多排隊，今次呢間都係貪佢一去到就有位，邊間有位就食邊間，冇所謂。就算係安排近門口嘅吧檯，一個人食嘢都冇辦法。又咁講，啲二人枱都係留畀更有需要嘅人啦。我睇咗陣餐牌，都係想叫返價錢比較相宜嘅午餐，諗吓都係叫咗 $148 嘅「極上壽司套餐」，見佢懶係嘢咁，就叫個嚟睇吓佢咩葫蘆賣咩藥。佢係包括特大海鰻魚、吞拿魚、鯛魚、蟹柳、油甘魚、三文魚、三文魚腩、墨魚、帶子同千尋海老嘅壽司，好似幾正。原來仲有三件葱粒吞拿魚卷，整體嚟講啲壽司水準就正常，唔算話好抵咁囉。個餐仲有其他嘢，一品係個小食，炸魚餅之類，okay 啦。沙律偏鹹，湯就係麵豉湯，冇特別，平民 version 嗰啲麵豉湯，大家明嘅。埋單價 $163，冇挑剔，但亦未必翻兜了。。。（地址：深水埗深旺道28號V Walk 2樓L2-49號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am深水埗區 #深水埗 #南昌 #峰壽司 #壽司 #極上壽司套餐 #一品 #沙律 #麵豉湯 #1am1754 #1ambackup
繼續閱讀
母親節一家三口嚟食，首先門口帶位既同事無論任何時候都係黑口黑面，住附近成日都見到佢喺度返工。所以就算忙唔忙佢都係咁嘅面口。🥲的確係倒米嘅。好似嚟做義工冇糧出嘅樣。然後店內有起碼六張吉枱，但係就要等呢個店員處理晒所有嘅事得閒先嚟帶位，人手唔夠都唔算係最大問題。問題係在於態度。以為入到枱就有飯食？就真係太天真了。Menu上10樣，有七樣係冇嘅，嗰陣時嘅時間係19:10，飯市開始冇耐就已經搞到咁咁遲過我入嚟嗰啲食風？咁就夾硬叫啦，等位都等咗一段時間，其實只有兒童餐嘅食物係需要煮。兒童餐都等咗大約20分鐘，個壽喜燒都等左大約25分鐘，再係面前開爐煮，又等….感覺呢個壽喜燒我就係食咗好多洋蔥囉🙂↕️跟埋果個飯，嘩🤯好似比水浸過咁！廚師連煲飯都唔識…..油甘魚既顏色….條魚好似死左十世咁35分鐘其餘既壽司仲未有，問店員「我想問師傅開始整未？因為我哋都等咗一段時間，如果仲未整咁幫我取消哂佢」店員：「我唔清楚，廚師忙緊」…….我幾唔好意思 😅搞到d廚師咁忙所以我就取消哂 帶住一個近乎吉既肚離開餐廳經過見到啲廚師，好輕鬆😌 香港嘅飲食業真係夠彎晒前台唔得 後台又唔得
繼續閱讀
剛剛響附近做嘢，同同事試吓峰壽司set lunch。價錢方面對於vwalk嚟講中規中矩。一個定食款式都算多，今次安排咗我哋坐Bar枱，落咗單冇耐就好快上沙律，炸物同埋麵豉湯等，兩樣嘢都熱熱辣值得嘉許。壽司方面都會有鮮味對於我唔食得多嘅人嚟講食完之後都好飽。對於vwalk商場其他餐廳嘅價錢，我覺得峰壽司價錢都尚算接受缺點，整體上餐廳環境衛生聲音各方面等都唔錯，只係收銀個年輕女經理服務態度不算太好（可能我個人太主觀😥）
繼續閱讀
今日試了午市套餐：Today's Lunch Set:咖喱吉列豬扒烏冬套餐🍛🍜 Curry Cutlet Pork Chop Udon Set- 外皮炸得金黃酥脆，咬落「咔嚓」聲💥 Golden crispy crust with an audible CRUNCH- Queuing Time：nil- 排隊時間：不用排- Serving Time：7 mins- 上菜時間：7分鐘- Tasty Index (好味指數)：7/10(圖中價格為港幣) (The prices in the picture are in Hong Kong dollars.)
繼續閱讀
Lunch menu 普普通通，都係大路嘢食，不過價錢幾抵。蒜香三文魚定食 滿滿一碗嘅三文魚，除咗有一片片嘅三文魚之外，仲有三文魚粒粒，撈咗一啲金蒜粒粒。三文魚都足夠厚身，份量好夠，味道正常。主要食到係甜豉油再加少少金蒜嘅味道。因為勁多三文魚，食到最後有啲膩。另外午餐仲會有一個炸雞，太燶。仲有沙律同埋湯。雖然味道只屬一般，但係都算係一個幾多嘢食嘅午餐。火炙Big六點盛 寒獅魚炙燒味道幾香。帶子味道頗淡。吉列半熟三文魚扒 酥炸嘅外皮幾脆但炸粉太厚身。味道普通。總結：食物普通，但又未至於伏。環境： ★★★☆☆ 食物： ★★★☆☆ 性價比：★★★☆☆ 推介度： ★★★☆☆
繼續閱讀