牛大人台灣火鍋吃到飽 (銅鑼灣廣場二期)

營業中

休息中

由於好朋友比較忙，祇可以一齊喺銅鑼灣飲個下午茶，而且小妹又覺得好耐都無「打邊爐」，所以就上咗「Openrice」睇吓周圍附近邊度有火鍋店好食？搵咗一陣，見到呢間喺銅鑼灣廣場二期叫「牛大人台灣火鍋吃到飽」嘅食物出品嘅食評都唔錯，而且有啲仲講話可以食鴨血食到飽，所以最近迷上食鴨血嘅我們，當然要去食吓啦！一上到去見到全店爆滿兼有好多人排隊等位，等咗一陣，終於到我們！一坐低店員就問我們要邊款鍋底？我們揀咗鴛鴦鍋底：台灣鳳梨鷄鍋拼牛大人秘方麻辣鍋底，鳳梨鷄鍋嘅味道超級清淡，差唔多好似清湯咁，唔係好感覺到有鳳梨嘅味道，麻辣鍋底雖然我們揀咗小辣，但味道都係相當芳香濃郁！而肉我們就揀咗「澳洲極上和牛套餐」！澳洲和牛M5牛肩卷嘅脂肪分佈非常均勻，色澤相當紅潤，肉質超軟滑有入口即溶嘅感覺，肉味香濃！另外一定要叫呢個套餐先可以有得送嘅牛丸澳洲M9和牛牛丸，食落非常爽口彈牙，但就略嫌唔夠，因每人祇可以有兩粒！至於他們嘅私房鴨血就係我們重點推介同讚賞！鴨血嘅質感超級鮮嫩滑溜，兼且最值得讚嘅係店員嘅服務態度，因無論我加咗幾多次單要求要鴨血，他們都好親切有禮咁攞嚟畀我們，唔會因為我們食得多而黑口黑面，真係做到畀人客