二鍋頭 (福苑)

營業中

休息中

呢兩日天氣轉涼，真係要把握最後嘅寒冷天氣警告😂😂琴晚去咗旺角二鍋頭打邊爐，真係好正！呢間火鍋店嘅價錢超抵，一個價可以食到五個煲，包埋雞煲、黑椒豬手煲、火焰牛尾煲、羊腩煲同埋烤魚，仲要可以食足七個鐘😎 而且職員都好有禮貌，不斷幫我哋收碟，服務態度一流，環境方面，真係好乾淨，令我食得更加放心😎今次我試咗雞煲，同埋烤魚，雞煲夠入味，雞肉鮮嫩，湯底香濃，真係好好食；至於烤魚，外脆內嫩，配上特製嘅醬汁，我揀左酸辣味，好惹味，條魚啖啖肉冇細骨🤩湯底方面，我揀咗蕃茄湯同芫荽皮蛋湯，兩個湯底都好足料，味道濃郁，蕃茄湯酸甜可口、清新，配上啲食材，真係食到開心。而芫荽湯同樣鮮香，兩個湯底都清清地😝講返火鍋，佢哋嘅材料真係超過一百種，選擇多到你眼花撩亂！特別想提下佢哋嘅脆肉鮠，食落口感超鮮，味道一流，咬落去真係有海鮮嘅鮮味。而且牛板腱又好正，牛味十足，煮完之後嫩滑到唔得了，真係想再食多幾份！👅總括來講，旺角二鍋頭火鍋係個聚餐嘅好地方，無論係同家人定朋友一齊嚟，都食得開心。如果你想搵間性價比高又好味嘅火鍋店，呢度絕對值得試下！下次我一定會再返嚟！