影片
更多
2023-03-09
562 瀏覽
上星期同朋友食巴巴串好唔盡興，又食到成身味，今次試吓獨自去燒烤，集中力量辦大事，密密燒佢一燒。呢間舖雖然喺大路口非常當眼，但事實係好隔涉，由地鐵站行成半條東京街先到。單客佢都招呼，呢樣抵讚，好多餐廳要起碼兩個人先俾入，歧視單身狗，有冇得去平機會告佢？先講講佢個 setting。佢係手機落單，除咗飲品，所有食物唔使出去自己攞。其實咁做都幾聰明，用 buffet 形式攤晒出嚟好阻地方，而且損耗又大，慳番啲位擺多兩張枱好過。每張枱有個爐，爐對上有抽風機，呢樣好重要，我食完個身真係冇味。爐旁邊有個架用嚟放生嘢，廚房將一串串食物排好放喺一個木盤，個架可以放五、六盤，向高空發展，唔使攤到成枱都係，呢個設計非常周到。爐上方又有一個鐵架，用嚟攤凍燒完嘅食物。呢個設計亦都好有諗頭，好多時啲嘢熟咗未得閒食，想拎起又唔知放邊好，結果燒到燶晒。而佢啲食物係計晒尺寸去切，多數都切到四四方方骰仔形狀，燒嗰陣冇咁易 kick 到隔籬嗰串。嘢食都唔馬虎，牛肩胛、西冷、牛肋腩、牛板腱、牛舌，淨係牛都有五款，全部入口貨，食落都對辦，啱晒鍾意食牛嘅人。其他豬、羊、魚、鷄、鴨、腸仔丸類蔬菜都頗齊，基本上冇可能試得晒咁多款。但
呢間舖雖然喺大路口非常當眼，但事實係好隔涉，由地鐵站行成半條東京街先到。
單客佢都招呼，呢樣抵讚，好多餐廳要起碼兩個人先俾入，歧視單身狗，有冇得去平機會告佢？
先講講佢個 setting。
佢係手機落單，除咗飲品，所有食物唔使出去自己攞。其實咁做都幾聰明，用 buffet 形式攤晒出嚟好阻地方，而且損耗又大，慳番啲位擺多兩張枱好過。
每張枱有個爐，爐對上有抽風機，呢樣好重要，我食完個身真係冇味。爐旁邊有個架用嚟放生嘢，廚房將一串串食物排好放喺一個木盤，個架可以放五、六盤，向高空發展，唔使攤到成枱都係，呢個設計非常周到。
爐上方又有一個鐵架，用嚟攤凍燒完嘅食物。呢個設計亦都好有諗頭，好多時啲嘢熟咗未得閒食，想拎起又唔知放邊好，結果燒到燶晒。
而佢啲食物係計晒尺寸去切，多數都切到四四方方骰仔形狀，燒嗰陣冇咁易 kick 到隔籬嗰串。
嘢食都唔馬虎，牛肩胛、西冷、牛肋腩、牛板腱、牛舌，淨係牛都有五款，全部入口貨，食落都對辦，啱晒鍾意食牛嘅人。
其他豬、羊、魚、鷄、鴨、腸仔丸類蔬菜都頗齊，基本上冇可能試得晒咁多款。
但要留意佢哋係冇甜品供應，我冇乜所謂，反正都好少食，但我知唔少女士們好著緊呢樣，咁就要有心理準備。
同埋佢冇醬汁俾人點嚟食，淨係得啲調味粉，食食吓就會覺得好乾，都幾影響味覺，希望嚟緊佢會加番呢樣。
整體嚟講，$250 燒兩個鐘算係幾好。
張貼
