密密燒

營業中

休息中

未食已經領教到服務差😡😡2位去食晚餐，當時得嗰3，4枱客，佢就叫我哋坐門口位置，我哋問仲有冇其他位，佢就指去面壁位（係咪傻㗎我係2位，唔係1位），我再問可唔可以坐落地玻璃嗰邊，佢就阿吱阿咗態度勁差話要人多先坐得（重點佢大把位，們口位係4人枱，我要求坐的位置都係4人枱）嗰位員工男人真係9唔搭8正式趕客走，香港有你呢間舖真係搞死晒，唔想做生意就早啲摺埋佢啦！

最近係社交媒體網站見到推薦呢間任食串燒店，所以就決定同朋友過黎試下上星期五去完，昨日又去多次真心覺得好正初時見到啲食評話轉得慢又無野食，都有啲擔心。不過去完之後覺得都OK冇問題，冇網上講到咁嚴重🩵250$無加一仲要無吹人走，同frd坐係到邊食邊睇住佢轉；好治癒好開心野食款我覺得不過不失，牛豬羊雞蔬菜都有，仲有野飲任飲，好正！！第一輪個陣可能會覺得有啲漫長，但之後其實都好順🧡雖然無粥粉麵飯個啲野但都食得夠多🫶🏼一次同四個frd去一次就兩個人，因為個爐既大細固定，兩個人個回轉速度會燒得好啲～4個人就會燒得有啲慢，但因為老闆都無吹人走，所以都係可以食飽

星期六既突登黎長沙灣食串燒，餐廳附近都係民居，真係專登走過去試下🤣成人$250一位，2.5hour 任飲任食，唔洗再加一，都幾抵食！每個位都有調味料，可以揀算反自己口味。整體嚟講食材既質素都幾好，牛豬雞羊都有，仲有唔同既蔬菜，本人最愛牛舌😍😍超正！同埋自己放d串串落去燒幾好玩🤗又唔洗驚會燒濃！店員都好有禮貌，好詳細講解點樣燒，每次黎食材都會講比我地聽係咩黎，好細心🫶🏻店舖唔算好大，所以最好上網book定枱😊

收費$250/人 2.5小時 免加一兩個人黎食會安排並排坐坐低膝頭有啲頂住張檯坐得唔係好舒服呢到QR自助落單無漏單情況，上菜都好快不過串燒要啲時間先熟，無甘快食得所以每檯都有送包瓜子比客食住先🥩 牛肉有五款選擇🥩牛肩胛最好食因為油花比較多燒完唔會老或柴🍢 多春魚燒魚最煩係魚皮會癡網呢到離網燒就無呢個問題魚春好多，好肥🍢 豆卜燒到外面脆卜卜勁好味，食左四五串豬肉有三款選擇🍢 豬頸肉第一串好好味第二串黎爭細粒左好多同第一串唔同左樣🍢 豬腩仔半肥瘦🤤燒到金黃色加小小鹽就好好味🍢 雞軟骨要啲時間燒耐啲先可以脆卜卜又每人食左兩三串🍍菠蘿超推薦燒完超甜又多汁👍🏻🍢 秋葵一般，唔推薦🥛飲品有八款選擇無糖茶，椰青水……最鐘意豆漿，仲要小甜👍🏻個爐計設計一般擺某啲串燒要用三個位置e.g. 豆卜 菇類 等唔係會撠住轉唔郁同埋個掃燒烤醬既掃手炳太短燒到中後段既時間，個爐太熱掃上去會辣手如果鐘意重口味既燒烤，呢到未必岩有啲人比較偏好醃好或者鋪滿孜然粉但我就鐘意呢啲只需小小調味既串燒同埋呢到既款式選擇其實唔多不過質素唔差兩個人總共食左約四十串，計返都係約$13/串好抵食，其實仲有時間可以燒多啲但食到好飽所以最尾

真係好難食！完全唔明白點解會有咁多好評。我完完全全係被呢堆「好評」誤導。串燒款式唔多。全部應該都雪藏冰鮮咗好一段時間。啲肉完全冇味，無論咩部位個味都係一樣，就係無味好似食擦子膠咁。有幾種調味粉俾你落，但係就真係食調味粉咁樣囉。剩係得啲調味粉嘅味。雖則話放題，結果食唔夠一個鐘就急急腳走。浪費金錢不在話下，最慘係浪費埋啲卡路里quota…系統要人寫夠200個字先可以俾負評，我唯有特登寫夠200個字都要去俾個負評佢！

呢間串燒店食物質素好高 放上架就會自動轉自動燒 完全唔麻煩又企理 而且免加一 食足2.5個鐘🥹🍖 任食串燒 $250 一人（最後有餐牌）牛肉有幾款 牛肩胛 牛西冷 牛肋腩 牛板腱 牛舌 啱哂牛魔王😍 款款牛都好正🤩牛扁胛同板腱肥瘦均勻 燒完唔會柴鍾意瘦嘅人可以食牛西冷😆牛舌好厚身 燒完好爽口豬有3款 羊有2款 雞有5款 鴨有2款 肉質都好靚 燒完勁香🤩比較特別佢有埋鴨舌😍 我食左好多雞腎同雞肶肉🤭仲有魚 丸 菇 腸 菠蘿 真係咩都有🫣 燒完嘅大啡菇同雞髀菇真係好正 加埋燒汁 勁juicy🤤調味粉都有幾種選擇 個人幾鍾意香脆微辣😍飲品方面冇咩特別 有幾款茶飲 同青檸汽水 我太專注食了 冇影到🤣呢間真係必食 而且服務態度非常好 一定要encore😍🖐️🖐️超大力推介

有一次朋友食完呢間餐廳之後大贊，就成日叫我一齊去試多一次，我都半信半疑系咪甘誇張架，🟫入到去餐廳內環境簡約樸素，古五到內有乾坤。餐廳選擇用QR code落單，非常方便， 自己識轉既竹簽都好好玩，好快有得食。🟩牛肩胛////外層肥牛燒到甘香，燒汁酸酸甜甜，中和左肥牛既油膩甘，口味幾特別，都幾大個，醬汁非常入味，真心幾正。🟫黑椒牛筋丸////呢樣都好容易熟，認真足料。🌹🟥腸仔////作為鎮店之寶既遊說下當讓不會令人失望，色香味俱全。🟩聖女茄////酸甜可口，唔錯。++秋葵///爽脆。朋友果然沒呃我，個價格認真便宜親民，真系好正啊，食完都好飽，特別系D 食物好新鮮，打卡一流。

呢間係深水埗，鋪頭係簡單裝修，但都坐得幾闊落，通風又好，同朋友聚下就岩晒！菜😸蔬菜我試佐三色椒，秋葵，雞髀菇，豆卜，聖女茄呢啲，每款都新鮮既，啲三色椒好爽脆，秋葵都好脆，雞髀菇好彈好軟熟，豆卜就好脆口，蕃茄又好多汁，慢慢燒！肉😽牛肋腩燒黎食真係幾正，燒到啲筋位仲好有嚼勁，嚼肉都幾結實，又香牛味，豬腩仔就夠晒肥，啲豬油慢慢咁燒晒出黎，燒到成粒肉都脆晒，但又唔會燒乾，所有肉都好好食呀！丸😻真係估唔唔呢度既丸有咁多款，魚肉年糕口感好好，燒到啲年糕流心咁款，煙煙韌韌，拉絲感覺，勁得意，胡椒豬肚丸就真係辣辣地，又食到豬肚碎，成粒丸都幾彈牙喎，芝士豆腐都好正呀，勁軟熟，又香芝士味，好多款可以慢慢試呀！

第一次嚟到深水埗密密燒串燒店，餐廳係用QR code自助落單，見到Menu串燒嘅選擇好多元化，當中包括有牛肉、豬肉、羊、雞、魚肉腸仔、丸類、蔬果等等！價錢都非常之實惠，仲要係任食！真係平靚正！最值得讚賞嘅係佢哋係有自助爐，唔需要人手燒嘢食，揀好食物擺落個爐到就可以等食！燒菠蘿係我幾鍾意嘅，因為菠蘿好清甜，燒完之後菠蘿嘅甜味就更加突出！另外，仲有燒芝士豆腐，呢個燒完之後啲芝士必出嚟超邪惡！食嘅時候仲有啲拉絲添！跟住仲有燒雞翼尖，燒到外皮好脆，食雞皮再啜吓啲雞骨，正！仲有佢哋嘅牛丸都幾好食，估唔到好juicy，辣辣地有啲黑椒香味！非常之惹味！蔬菜方面都幾鍾意燒啲菇類，燒完之後仲會好多汁，點少少醬汁調味就一流！

⋯同事介紹食密密燒，咁岩放假又經呢頭，要去深水埗睇電腦，唔知食乜好，夜晚就同朋友一齊係度食，行過嗅到好香，被串燒吸引住，姐姐帶我地坐左個靚位，呢度環境好大好正，每枱都有個爐，放支簽落去佢就自動轉住來燒，每一個位都保証係熟，燒得好均勻，仲可以燒到金黃色，而且係個爐旁邊又唔會太熱，所以都幾好燒，位又坐得舒服。之後我地擇最鐘意食既野，講真真係好好食再加上肚餓關係，點左好多，法國廚師腸好正，黑椒牛根丸既黑椒味好強，聖女茄好新鮮，魚肉年糕咬落去d年糕多到會流出來，魚皮蝦餃會燒到自己出油，秋葵燒到好脆口，豆卜都好香，甜蕃薯最愛食好夠甜，估唔到蒜頭都有得燒，其他都好好食，最後可以飽住走，果然係靠口碑，下次都會再食～

嚟深水埗搞翻工野夜晚之後好肚餓，咁啱朋友又喺附近就一齊搵間任食串燒試吓。決定試吓呢間密密燒，CP值超高💯💗店入面串燒有勁多款式，淨係牛肉已有牛肩胛、西冷、牛肋腩、牛板腱、牛舌5款，仲有豬，羊，鴨，魚，丸類和蔬果等。佢哋主打獨特模式既BBQ放題，燒烤爐可以自己轉，幫你把食物由生燒到熟，可以解放兩隻手🤣🤣講下啲肉先～推薦✨牛肋腩，食落口感嫩，有小小肥肉牛板腱就很扎實，仲有超級厚嘅牛舌。至於西冷食落口感都嫩。蔬菜🥬都好新鮮～菇類豆卜蕃茄仔乜都有👍大愛燒番薯😍整體體驗唔錯，飲品任飲，食物任食，環境又舒適，值得推介呀❣️❣️

終於到暑假喇，難得到Sem break想搵地方同同學仔去👛食好西開心下，同時間又可以chill下👛，就選左呢間密密燒，因為可以一次過坐好多人！主打：👓🕶️1) 串燒支簽，不斷自轉，燒得均勻2) QR code 自己落單3)全部任飲任食《秋葵，聖女茄，鳳梨》💼，開胃之選，全部都好新鮮好多汁，好嫩好解膩。🎒《雞翼》用外皮燒既方法鎖住肉汁🥽，咬落去油香滿載，味道夠曬濃厚。另一個燒《魚皮蝦餃，燒賣》，淡淡肉之選，超快熟非常好味。 🌂另外一個《牛肉》都好正👜，鮮味之餘唔會太幹，好惹味。最後食埋甜番薯，豆干，腸仔，雞髀菇等等，最滋味啦！👑今餐真系實現串燒自由，一次過食到飽，真係讚👍🏻吃完真系大滿足！😆😆

呢間自助串燒食物都有九大類，種類真係好多，而且又唔駛自己燒，真係好方便呀！食佐幾款蔬菜我都覺得幾深刻既，豆卜呢就燒到表而面可以好脆，咬落入面又煙韌，甜蕃薯就真係好清甜，好軟熟，蒜頭燒黎食原來又幾好食，幾香口喎😝丸都有唔同既款，好似芝士魚腐，胡椒豬肚丸呢啲都有，而陳皮魚旦就係我食得最多既，一粒粒燒完啲陳皮味出晒黎，勁彈牙煙韌，真係好正呀🤪肉呢就有唔同既款，豬頸肉切到一粒粒咁燒，燒晒啲油出黎，脆卜卜，咬落就仲嫩既，羊後腿肉就比較有咬口，羊騷味岩岩好，牛板腱又係好正，有啲筋，啲牛肉幾有咬口，肉味濃😛

中意食串燒既我今日又試新野，黎到呢間自助串燒，淨係做夜市，勁熱鬧呀！🍅蔬菜淨係蔬菜都有幾款既選擇，三色椒微微燒完咁食真係仲爽脆，口感仲好，聖女茄就細細粒，但係都好多汁，豆卜又夠脆，但咬落就好鬆化，全部都得！🍢丸啲丸有我最中意既款，有牛丸啦，有魚片頭啦，有魚皮蝦餃啦，有芝士豆腐啦，款款好食，芝士豆腐軟熟得黎真係有啲流心芝士，又燒到脆脆地，仲有啲黑椒腸都好好食囉！🥩肉唔同既肉都幾好食，好似豬梅肉就夠晒嫩，少少肥膏岩岩好呀，牛有西冷，牛西冷就啲肉實啲有咬口啲，但都好香牛味呀，雞翼都好正，燒雞翼就最好食架啦！🐟魚多春魚勁正囉，一條條好肥好多魚籽，燒到脹卜卜咁食，熱辣辣！

最近呢個消息實在太好喇，老公升職，見到佢努力左甘耐終於有成績，當然要慶祝一下，獎勵下！一起試下附近既呢間餐廳，出名食高質串燒🍽其他食物未熟，😻就忍唔住試下呢度既聖女茄，好快熟，食落去爆汁，好正。然後就系三色椒，厚切，將外層煎到金黃色，甘香脆口。😽最中意就佢地既特大牛肉😼，全部都系任食，肉質鮮嫩，份量充足。雞肉都好唔錯，外皮燒到好甘香好滋味，肉質彈牙。豆蔔都好足料😾，全部都夠曬大粒，包你食得滿意~😸羊肉卷都好多肉，不會騷。雞軟骨同埋雞髀菇都系值回票價之選。QR code 自己落單，方便！串燒支簽，放落個爐就會不斷自轉，抵贊！😹，值回票價，飲埋佢地既啤酒幾有feel,最開心系可以同老公仔撐台腳, 哈哈！