影片
更多
2021-04-09
20 瀏覽
見依幾日涼返少少，就忍唔住約朋友出嚟食雞煲😬見到創興開咗間18樓雞煲，上網睇啲食評都幾好，好奇心之下梗係想過嚟試吓啦。試左個套餐A，個價錢都幾吸引，$178加一可能我哋都比較早嚟到啦，初初入去嘅時候都係見到得三四張枱有人，成個環境都好寬敞同闊落，裝修都好靚好有特色。嘢飲方面，分咗三個雪櫃，主要都係罐裝飲品，另外仲有冬瓜茶同蜂蜜綠茶，啤酒雖然吾包，就算自費 但啤酒嚟講 比起其他餐廳平。調味料方面款唔算太多，淨係好簡單嘅辣椒炸蒜蒜頭同蔥，比較特色啲嘅醬料就冇乜。另外有個雪糕吧，嗰日就係乳酪味同雲呢拿味嘅雪糕，仲有簡單嘅配料。 兜咗個圈之後終於坐低試吓個雞煲啦，由於有位朋友唔食辣，我哋叫咗個唔辣嘅雞煲，個心都好驚會好淡冇乜味道，點知嚟到嘅時候真係有驚喜，啲雞幾滑，又夠味，雞煲來講我覺得都有80分以上，佢嘅火鍋配料種類唔算太多，但係好明顯餐廳比嘅貨係啲平嘢，全部都係好有誠意。配料方面肥牛、午餐肉、手打丸、蝦、蜆、萵筍、脆鯇腩，全部都係誠意之作，質素方面都幾好喎，完全唔會覺得係任食嘅火鍋配料。總括嚟講，吾使$200一位，食到呢啲質素嘅雞煲加配料，真係冇原因去say no 。吾掛得之去到7點左右已
見依幾日涼返少少，就忍唔住約朋友出嚟食雞煲😬
見到創興開咗間18樓雞煲，上網睇啲食評都幾好，好奇心之下梗係想過嚟試吓啦。
試左個套餐A，個價錢都幾吸引，$178加一
可能我哋都比較早嚟到啦，初初入去嘅時候都係見到得三四張枱有人，成個環境都好寬敞同闊落，裝修都好靚好有特色。
嘢飲方面，分咗三個雪櫃，主要都係罐裝飲品，另外仲有冬瓜茶同蜂蜜綠茶，啤酒雖然吾包，就算自費 但啤酒嚟講 比起其他餐廳平。
調味料方面款唔算太多，淨係好簡單嘅辣椒炸蒜蒜頭同蔥，比較特色啲嘅醬料就冇乜。
另外有個雪糕吧，嗰日就係乳酪味同雲呢拿味嘅雪糕，仲有簡單嘅配料。
兜咗個圈之後終於坐低試吓個雞煲啦，由於有位朋友唔食辣，我哋叫咗個唔辣嘅雞煲，個心都好驚會好淡冇乜味道，點知嚟到嘅時候真係有驚喜，啲雞幾滑，又夠味，雞煲來講我覺得都有80分以上，佢嘅火鍋配料種類唔算太多，但係好明顯餐廳比嘅貨係啲平嘢，全部都係好有誠意。
配料方面肥牛、午餐肉、手打丸、蝦、蜆、萵筍、脆鯇腩，全部都係誠意之作，質素方面都幾好喎，完全唔會覺得係任食嘅火鍋配料。
總括嚟講，吾使$200一位，食到呢啲質素嘅雞煲加配料，真係冇原因去say no 。吾掛得之去到7點左右已經差吾多全場Full哂，下次會再過嚟試埋其他套餐🥰
張貼
