御膳

營業中

休息中

朋友生日，見食評唔錯，Book左呢間私房菜。麻辣鹵水大拼盆 牛肚、豬大腸一般貨色。中間個手撕雞幾好食，但偏辣。砂鍋大魚頭豆腐湯清清地，又唔油，幾好飲。大肉蟹3只可簡花雕雞油蛋白蒸，避風塘炒，薑沖炒，胡椒炒，四川香辣炒，我地簡左蒸蛋白。花雕雞油蛋白蒸大肉蟹蟹味鮮甜，蒸蟹白滿滿花雕酒味，幾特別既烹調煮法。但始終覺得肉蟹都係炒先最好食。蒜蓉粉絲蒸大蟶子皇10只蟶子夠甜，但蒜蓉炸過，好濃味同偏油。流沙黃金蝦10只表皮香口好食，但虎蝦外殼太硬，即使炸過都唔可以原隻連殼食哂。大蜆燉蛋蜆唔新鮮，口感韌，一d都唔好食，但個蛋十分滑。士多啤梨骨好重士多啤梨味，都幾特別。金華玉樹雞1只調味得幾好，但肉質實在太鞋口了，食左條菜心好苦。上湯浸時菜普普通通，無特別。御膳炒飯飯炒得粒粒均勻，夠鑊氣，除乾身左小小外，都幾好食。甜品椰汁榚上淋上紅豆溶，朋友好壞參半，一件起兩件止。埋單$3389/10，整體賣相不俗，但三百幾蚊，性價比一般。