意樂餐廳 (曼坊)

營業中

休息中

先此聲明，差唔多個個月都有幫襯意樂美孚分店，試過餐牌上好多樣嘢食都唔錯，但最近水準唔太穩定，係食評講出嚟希望有改善。午餐時段叫咗「日式燒汁溫泉蛋牛肉丼飯」，諗住咁易煮嘅嘢穩穩陣陣。一打開外賣盒，牛肉份量唔算多，唔夠送飯。算啦🥲 淨食白飯都飽肚，點知啲飯好似落唔夠水，每一粒都好硬（硬過隻紙匙羹），咬到好攰。然後個飯最驚嚇係......當我篤穿隻溫泉蛋嘅時候，原來得蛋白，只知蛋黃失了蹤，想搵少少蛋汁撈飯都冇😭 完全唔知廚房佬點打蛋搞到咁，估唔到牛肉飯可以咁伏。