意樂餐廳 (曼坊)

意樂早餐食評｜抵食大份牛扒早餐今日一早去咗意樂食早餐，真心要推薦佢嘅牛扒早餐！作為早餐主角，牛扒絕對係驚喜——煎得剛剛好，表面微焦帶炭香，內裡肉質軟嫩多汁，一啲都唔韌，仲有肉味濃郁嘅黑椒汁提升層次，完全唔似普通茶餐廳嘅急凍牛扒！我揀咗炒蛋配煙肉，炒蛋滑溜帶奶香，火候掌控得宜，煙肉煎得脆口唔油膩，同蛋香交融得恰到好處。套餐跟埋多士同沙律，多士烘得脆身，沙律菜新鮮解膩，整體配搭平衡，唔會太滯。環境舒適，上菜速度快，以$50左右嘅早餐價錢來說，份量足、質素高，性價比爆燈！如果鍾意食肉嘅朋友，絕對要試呢個牛扒早餐，朝早食完真係「充滿電」～…查看更多

黎到美孚呢頭可以揀野食既地方唔多 ， 所以最後都係是但揀左間食，意樂都係連鎖店，質素叫做過得去不過不失，睇完menu點左個烤雞飯，熱利繽納。烤雞飯，可以接受，烤雞都算係大隻，食落去既味道可以接受，而且肉質又唔算太鞋，不過飯既質素唔得，食落去唔係軟綿綿個種，口感唔ok.另外啲汁味道都唔ok....熱利繽納，飲落去有啲淡。環境算是ok，都有卡位唔算太迫既。。。。。總結。。。。雞算可以不過飯既口感唔ok。。…查看更多

今日嚟到意樂餐廳食嘢， 嗌咗個一口雞溫泉蛋豬骨濃湯拉麵， 盆炸雞好大碟， 好香脆， 啲肉又多汁， 個豬骨濃湯好濃郁， 拉麵好彈牙，個溫泉蛋勁靚， 再嗌左杯特濃朱古力，好正， 成碗嘢食曬得個碗…查看更多

這間餐廳性價比確實高，三人晚餐不用加一平均50左右，有特飲免費升級，披薩🍕真心好味肉丸芝士流心餡配飯一流，炸雞好juicy，服務態度好好，座位寬敞，份量都算大…查看更多

先此聲明，差唔多個個月都有幫襯意樂美孚分店，試過餐牌上好多樣嘢食都唔錯，但最近水準唔太穩定，係食評講出嚟希望有改善。午餐時段叫咗「日式燒汁溫泉蛋牛肉丼飯」，諗住咁易煮嘅嘢穩穩陣陣。一打開外賣盒，牛肉份量唔算多，唔夠送飯。算啦🥲 淨食白飯都飽肚，點知啲飯好似落唔夠水，每一粒都好硬（硬過隻紙匙羹），咬到好攰。然後個飯最驚嚇係......當我篤穿隻溫泉蛋嘅時候，原來得蛋白，只知蛋黃失了蹤，想搵少少蛋汁撈飯都冇😭 完全唔知廚房佬點打蛋搞到咁，估唔到牛肉飯可以咁伏。…查看更多

上次食完一次印象唔錯今日又經過美孚就食第二次🤣今次叫左龍蝦海鮮湯飯因為睇相好吸引飲品就叫左凍奶茶飲左啖湯就覺得無想像中咁好食因為無乜蝦味似係用罐頭龍蝦湯溝左好多水果隻味少少咸咁不過我中意佢用珍珠米 好有咬口(意樂好似好中意用珍珠米 焗飯都係)同埋好足料 好多海鮮海鮮有蜆 有仙貝 有蝦仲有好多眉豆 綠豆 不過個人就麻麻地食豆整體黎講其實個湯飯唔差不過如果個湯多返d蝦味就好凍奶茶估唔到都幾有水準好飲 好有奶香上次飲熱菜蜜就反而一般晚市埋單70 2024年黎講就正常價錢…查看更多

成日聽人講意樂好難食 所以就算佢多分店都成日經過都唔入去食但有日下午茶時間真係好想食下d港式焗飯意粉於是就入去食下估唔到完全唔伏wor首先餐廳係手機QR code自助落單咁都問題不大因為佢餐牌真係有幾多選擇都幾吸引係要d時間慢慢揀😂😂叫左松露野菌汁雞扒焗珍珠飯個飯真係幾好食珍珠米好有咬口 松露味都好出個野菌汁都調得唔錯香得黎唔會膩可以encore 我覺得😂另外加左10蚊叫左忌廉粟米湯不過上左個蘑菇湯湯就麻麻地 味道好奇怪食到好多洋蔥碎 不過菇味就無乜湯唔推薦其實佢午餐同下午茶餐有好多我都想試例如龍蝦海鮮湯飯下次再試先!…查看更多

今日食平民義大利餐廳-美孚意樂。而且除咗正餐，呢度嘅下午茶都好划算㗎！首先，我要講下呢度嘅正餐。意樂嘅披薩同埋意粉都非常好味，而且價錢都好實惠，非常適合一班朋友一齊嚟享受。如果你不知道要揀啲咩，可以試下佢地嘅招牌意粉，真係好正！不過，我今日想同大家分享嘅係意樂嘅下午茶。佢地嘅下午茶套餐包括啲小食同埋一杯飲料，而且價錢非常划算。啲小食有薯條、炸雞翼同埋芝士球等等，份量都好啱啱好，味道都好唔錯。而且佢地嘅飲料揀擇都好多，例如冰咖啡、奶茶等等，真係好適合喺下午時段嚟一齊享受。總括嚟講，美孚意樂係一個平民義大利餐廳，價錢實惠，特別係下午茶套餐，物超所值。如果你鍾意義大利菜，又想食得啱啱好，又唔想花太多錢，美孚意樂係一個值得嚟試嘅地方。…查看更多

今日去咗意樂餐廳食午餐，叫咗佢哋嘅忌廉汁天使麵，而且仲有忌廉湯送。麵條煮得好啱口，唔算太腍，啲天使麵條仲有啲彈牙嘅口感，好好食！忌廉醬汁好濃郁，但唔算太膩，加埋啲蘑菇同埋火腿碎，令味道更加豐富。不過啲份量唔算太多，可能啱啱好飽嘅人食一份就已經夠啦。至於送咗嘅忌廉湯，味道都好香濃，啲忌廉味道好濃郁，但又唔會太膩。同埋啲蘑菇都煮得剛剛好，唔算太爛，好好味！整體而言，意樂餐廳嘅忌廉天使麵同忌廉白湯都好好味，加埋裝飾精美嘅環境，真係一個好適合約會同埋聚餐嘅地方。價錢方面都算合理，不過喺繁忙時刻可能要等啲時間先有座位，所以最好預早等位啦！…查看更多

正常冰室表現，叫左個女腿通粉，凍檸檬茶通粉個湯有Ｄ喊，個人認為檸檬茶無檸檬係一大敗筆服務就真係一般。。。自助落單，由落單到上檯，等左接近２０分鐘，當時餐廳客人唔算多…查看更多

呢度有好多唔同款式早餐選擇，有粉麵、西式早餐，任你配搭，而且賣相吸引，仲好美味，尤其個流心焗蛋，煎得好靚，係最底仲隱藏左好美味嘅薯蓉，仲有杯冷壓凍檸茶，真係睇得出係一份好有誠意嘅早餐😋😋😋👍♥️…查看更多

噚日星期日，家姐阿哥都放假，一齊出咗去食意樂。去到大概等10分鐘有位。我哋4個人，帶位職員睇住隔離個大媽拉走我哋張櫈唔理，話呢張枱。我截住佢，你睇到俾人拉走咗櫈我4個人點坐？佢先死死地氣喺第二度拉張凳俾我坐低叫咗4份餐，其中2份係豬肋骨，職員話豬肋骨會耐啲。無問題。結果我足足等咗35分鐘，我未試過叫豬肋骨要咁耐。出面食都係15至25分鐘。佢要35分鐘。最離譜係我媽叫咗杯熱檸茶，落單無錯但係唻錯。叫職員換過。等咗超過15分鐘再問，我媽都未講完，職員態度好差話你等多陣啦唻緊啦！結果我份豬肋骨到杯茶都未有，我再叫職員先至俾到杯熱檸茶過嚟！仲要個職員面向我企喺出餐位最初一直唔理我，之後佢行過我伸手截佢先死死氣應我之前問拎餐具又係咁熱檸茶要等超過35分鐘？態度又差！食物味道一般。我哥叫咗拉麵，話拉麵唔似拉麵好難食。餐湯又唔熱，微涼。味道一般還可以接受。職員態度差不能忍囉！！…查看更多

the convenient location. went there for breakfast for a few times and last night went there for dinner. seems like always packed during peak hours. got a queue ticket and got our seats in 10mins. service staffs are friendly and responsive.food is ok, nothing great, and we will continue to visit. ambience is good and clean. except I spotted a not so clean fork in the basket.食物唔錯。 份量係夠食嘅。 咁呢啲梗係唔係正統嘅西餐啦。 香港化的 日式西餐。 個西湯就唔係太好飲， 扁意粉就有啲乾。 pizza上啲洋蔥係生生地嘅， pizza上啲汁呢如果可以乾身啲就會好啲， 或者個pizza可以焗得乾身啲會食得easy啲唔會食到咁叻啡。…查看更多

Recently visited for breakfast. Overall taste is ok. Ordinary milk tea. Beef sandwich taste is ok. I will not tell nether good or bad. Little disappointed with croissant and inside environment meet the standard. I have visited this restaurant in the past as well and food meets the standard. I certainly occasionally visit this restaurant. …查看更多

今次食到嚟美孚曼克頓山嘅意樂，先嚟睇下餐牌咁多個餐入面就只有Special Lunch 同牛扒係可以湯同飲品並存。忌廉湯雖然細碗，但相當足料先嚟一份美國安格斯牛扒定食，價錢73蚊，配上美國安格斯牛扒，扒大塊厚身，但牛味只屬一般。配搭黑椒汁，非常濃味，以防蓋過牛味，個汁我攞咗去撈飯。另一就叫咗Special Lunch 嘅黑椒鴛鴦扒配珍珠米，大件豬扒做主再配上香嫩鷄扒非常唔錯，份量亦都充足，飽肚感幾足夠。最值得一提嘅就係佢哋嘅凍檸茶，一上枱完全見唔到檸檬片，原來佢哋將檸檬磨茸融入咗喺杯茶入面，令到檸檬係杯茶發揮到極致，有更重嘅果香味，令人飲之不盡，一想再飲。…查看更多