何洪記

營業中

休息中

叫左兩個雲吞麵，一個豬潤湯麵一個豬潤薑蔥撈麵，雲吞算食得落口，但係少咗啲韭黃；薑蔥撈面佢個底同我落左麻油，味道有啲九唔搭八，最差係豬潤，用左唔知咩嘢揦過，豬潤本身既爽脆口感無哂，軟錦錦咁好得人驚，而且無豬潤香味，甚至無豬潤味，淡茂茂，好似水味咁。其實唔知點解佢咁樣整普通好似出面食嗰啲生滾粥佢就咁滾啲豬膶都夠好食啦，如果佢咁樣整嘅話真係個豬膶本身唔新鮮呢間嘢竟然仲叫自己粥麵專家個麵真係「煙韌」到好似食緊橡筋咁，麵鹼水味好重，落醋都冚唔住，以為佢開喺機場應該係好食嘅，點知同街？外面啲舖頭隨便一間都好食過佢。