青花 (THE FOREST)

食物質素唔掂。今次分別食咗一碟咖喱雞飯，同埋炒金邊粉，同埋嗌咗一杯蝶豆花奶蓋。炒金邊粉完全冇辣味，變咗港式茶餐廳嘅感覺。而且兩隻蝦係完全冇味嘅，如果想食到泰國嘅味道，呢間餐廳未必可以滿足你嘅需求。至於個咖喱雞飯，亦都係變咗好似茶記嘅普通咖喱雞飯一樣。但係價錢就貴過茶記好多。同埋服務質素方面，侍應生嘅服務態度十分之惡劣，完全唔值得比服務費。而且餐廳地方狹窄，非常之唔好坐。如果想坐得舒適嘅話，我建議大家可以嘗試去呢個商場嘅樓上舖，嗰間老馮茶居。正如標題所講，就係唔會再幫襯嘅餐廳。