影片
更多
2010-12-26
165 瀏覽
今年聖誕節o岩o岩好凍,個個都話好有氣氛,咁凍天時,亦好適合打邊爐啦.趁尋晚啲人應該去晒食西式聖誕大餐,應該唔多人打邊爐,就搏一搏o係傍晚即慶時打電話o黎男友之前食過o既呢間問重有冇位,接電話o既亞叔問我o地想幾點?我答8點,佢答8點半有,就咁決定,橫掂我同男友都要去買o野.之後問爸爸去唔去打邊爐?佢見要去太子都唔出,唉!然後搵女友人DC,好彩佢都有興趣打,山長水遠由將軍澳出o黎.由於我o地早o左10分鐘o度到,就等一陣啦,o岩o岩見到執料o個張枱串o左唔知咩o野,就多口問問,亞姐答烏魚扣,好爽好食o架,一條魚得一個,賣完就冇o架喇.DC問一碟有幾多?亞姐答7串.我見所剩無幾,就問亞姐可唔可以留一碟畀我o地?(佢知我o地等邊張枱呢.)佢笑笑口答得.準時8點半有枱喇,果然今日打邊爐鬆動啲.坐低後,即同亞叔講要$50.00一碟o既烏魚扣,亞叔反問我,實有o架?我指住出面話有呀,亞姐應承留畀我o地o架.然後就落單,要皮蛋芫茜煲,亞叔係咁推介我o地食乜食物,結果要o左:1. 鮑魚勁新鮮,上枱時重郁o既,烚o左6分鐘,o岩o岩熟晒,口感o岩o岩好,味道都仍有鮑魚味,唔錯o既.2. 生蝦有啲係比其
之後問爸爸去唔去打邊爐?佢見要去太子都唔出,唉!然後搵女友人DC,好彩佢都有興趣打,山長水遠由將軍澳出o黎.
由於我o地早o左10分鐘o度到,就等一陣啦,o岩o岩見到執料o個張枱串o左唔知咩o野,就多口問問,亞姐答烏魚扣,好爽好食o架,一條魚得一個,賣完就冇o架喇.DC問一碟有幾多?亞姐答7串.我見所剩無幾,就問亞姐可唔可以留一碟畀我o地?(佢知我o地等邊張枱呢.)佢笑笑口答得.
準時8點半有枱喇,果然今日打邊爐鬆動啲.坐低後,即同亞叔講要$50.00一碟o既烏魚扣,亞叔反問我,實有o架?我指住出面話有呀,亞姐應承留畀我o地o架.
然後就落單,要皮蛋芫茜煲,亞叔係咁推介我o地食乜食物,結果要o左:
1. 鮑魚
勁新鮮,上枱時重郁o既,烚o左6分鐘,o岩o岩熟晒,口感o岩o岩好,味道都仍有鮑魚味,唔錯o既.
2. 生蝦
有啲係比其他火鍋店o既肥同長啲,正呀!
3. 講返烏魚扣
果然係爽脆,但我仍食到鯹味,始終都係魚吧.
4. 唔知咩牛肉
因落單時亞叔主要係同男友講,我冇乜留意.呢隻牛肉切得厚厚地,一碟又大大碟,牛味好足.
5. 蟶子
一碟5隻大大隻,真係估唔到,味道亦好鮮.
6. $669.00o既象拔(虫邦)
亞叔拎o黎畀我o地睇,切好靚靚上枱,男友即將個頭放落鍋餚湯,咁新鮮o既象拔(虫邦),我o地緊係多數食刺身啦,重多到食極都食唔完咁.而到尾聲時,我o地將男友連個頭一齊放落鍋o既邊撈埋o黎食,原本以為會好韌,但又唔係,依然係爽,真係正到暈.不過唔知係咪啲牛o既味道太濃,攪到呢啲邊都有陣牛味,強.
最好笑係最後我o地唔知個頭食唔食得同好唔好食,就猜包剪拳決定.亞叔o係唔知咩事之下,話唔使猜啦.我就問佢呢個食唔食得?佢答唔好食啦,食落’嗦嗦’聲o架.我意會到唔好食,DC問即係好唔好食呢?呵呵呵.最後, 係男友猜輸o左,佢猜輸o左即係我都會有份食.
男友咬o左一啲,答有啲雞子同….我問係咪豬膶?佢答係,味道甘甘地.佢畀我試,睇到裡面質感真係有啲似呢兩樣o野,我都咦一聲試.口感有啲似,係粉粉地o既,但就冇豬膶咁難食,反而好啲,不過都係覺得外型唔掂,所以唔食.
7. 桶蠔
o係生蠔同桶蠔之間揀,亞叔幫我o地揸主意,揀桶蠔,佢話生蠔起價,桶蠔又大隻啲.嘩!真係好大隻呀,烚好o左都唔係咁縮好多.
8. 後加o既魚卜
又係大大件,男友話有啲似食花膠o既感覺,我覺得都OK得別吖.
9. 炸魚皮
魚皮脆卜卜,唔鹹.烚好o黎食,冇乜問題.
10. 生菜
催o左好多次至到,唔知係咪想我o地叫多啲海鮮o黎食?生菜新鮮冇問題.我o地連墊底o既唔咩菜都烚o黎食,DC話好食.
11. 湯底
湯底o既芫茜同皮蛋好足,皮蛋好厚,重有紅蘿蔔同馬蹄.DC同男友勁飲啲湯,大讚又甜又好味.
呢晚DC係咁嘩嘩聲,因為好多o野都大大件.哈哈哈.而且好好7食,佢係咁讚不絕口,話下次約多啲人o黎.好彩佢食得開心,冇令佢失望,唔係我就內疚死啦.
張貼
