古琴雅苑 (太子集團中心)

營業中

休息中

有朋友仔好鍾意食片皮鴨，我哋就一行六人揀咗去尖沙咀古琴雅苑，首先環境其實幾嘈，枱與枱之間都好近，餐廳嘅面積唔大。我地叫左隻差唔多每檯必食嘅片皮鴨，食片皮鴨之前佢比咗一碟叫一口酥，好細片，得幾塊，其實係鴨胸位置嘅皮，要來點砂糖食。個人覺得比較油。⭕️北京填鴨，佢一隻鴨會分兩個碟上，片皮鴨配料，有蜜瓜，青瓜，京葱，黃梅醬，京醬，鴨肉片得厚薄適中，鴨皮有油香，肉質嫩，再夾薄餅都不錯😎⭕️南翔小籠包，一籠有六隻，一咬有湯汁，但係皮非常之厚，唔太好食😥⭕️杭州荷葉雞，佢會幫你切開，但係似撕開，雞肉嫩滑，淋淋地，雞肉又吸哂佢嘅汁幾野味，不錯😋⭕️小黃魚，無咩特別，味道正常😚⭕️精美四小拼，裏面有醉雞，雞皮嫩滑，精瑩，肴肉，雞絲粉皮，醃黃瓜，酸酸地，開胃前菜，味道不錯☺️⭕️蟹粉豆腐，賣相唔太吸引，但係佢都有個火爐仔俾你熱住，細心，等啲蟹粉唔會好快結埋一餅🙂⭕️蜜汁燒火方，係切片嘅咸香金華火腿，上碟時外面有非常濃嘅蜜汁，仲有蓮子，用來夾一個鬆軟又熱嘅蒸荷葉包，都好好味。人均消費三百蚊，價錢合理。