影片
更多
2021-08-29
549 瀏覽
嚟柴灣體育館打羽毛球，做完運動又係時候去開餐。唔想行太遠，提議不如出去柴灣道附近逛逛。喺金源洋樓地下見到呢間「冠華冰廳•阿爺燒鵝」，門面光猛開揚，櫥窗內掛滿了剛烤好的各式燒味，賣相吸引。睇咗餐牌，除了茶記嘅經典焗飯、鑊氣炒粉麵、小食及三文治等之外，仲有好多款阿爺嘅招牌燒味，堂食或外賣，斬料加餸都得。點咗阿爺燒鵝乳豬鵝油撈麵 ($95) 同 常餐 ($48) 各一，跟餐配即磨咖啡或茶，如果想轉熱嘅特飲，則須另 +$5。鵝油撈麵率先送上，嘩！竟然畀咗隻鵝髀，實在太好運啦，隨餐還附有一小碗上湯。燒鵝新鮮出爐，鵝皮赤紅亮澤，皮下沒有厚厚的肥膏。鵝肉嫩滑富肉汁，入口帶淡淡煙熏香，蘸少許酸梅醬一起吃，更添滋味。旁邊嘅乳豬亦好有水準，外皮燒成亮麗嘅褐紅色，咬下鬆化脆口，肉味鹹淡適中。鵝油麵更是一絕，一放上檯已經聞到陣陣油香，非常誘人。麵身爽滑得嚟又有咬口，配合黑醬油，色、香、味俱全，超惹味。至於另一客常餐就揀咗：阿爺叉燒、熟蛋 + 鮮牛油厚多士配意粉。叉燒選用了梅頭肉，肉質很不錯，入口夠鬆軟，鮮紅帶光澤，肥瘦比例亦恰到好處，食落有麥芽香。意粉彈牙有嚼勁，湯底微鹹夠味。平時食早餐或常餐，多數會揀炒滑蛋
喺金源洋樓地下見到呢間「冠華冰廳•阿爺燒鵝」，門面光猛開揚，櫥窗內掛滿了剛烤好的各式燒味，賣相吸引。
睇咗餐牌，除了茶記嘅經典焗飯、鑊氣炒粉麵、小食及三文治等之外，仲有好多款阿爺嘅招牌燒味，堂食或外賣，斬料加餸都得。
點咗阿爺燒鵝乳豬鵝油撈麵 ($95) 同 常餐 ($48) 各一，跟餐配即磨咖啡或茶，如果想轉熱嘅特飲，則須另 +$5。
鵝油撈麵率先送上，嘩！竟然畀咗隻鵝髀，實在太好運啦，隨餐還附有一小碗上湯。燒鵝新鮮出爐，鵝皮赤紅亮澤，皮下沒有厚厚的肥膏。鵝肉嫩滑富肉汁，入口帶淡淡煙熏香，蘸少許酸梅醬一起吃，更添滋味。
旁邊嘅乳豬亦好有水準，外皮燒成亮麗嘅褐紅色，咬下鬆化脆口，肉味鹹淡適中。鵝油麵更是一絕，一放上檯已經聞到陣陣油香，非常誘人。麵身爽滑得嚟又有咬口，配合黑醬油，色、香、味俱全，超惹味。
至於另一客常餐就揀咗：阿爺叉燒、熟蛋 + 鮮牛油厚多士配意粉。叉燒選用了梅頭肉，肉質很不錯，入口夠鬆軟，鮮紅帶光澤，肥瘦比例亦恰到好處，食落有麥芽香。意粉彈牙有嚼勁，湯底微鹹夠味。
平時食早餐或常餐，多數會揀炒滑蛋 or 太陽蛋，今次就試下煎熟蛋。雞蛋兩面都煎至金黃，蛋黃已完全凝固，但吃起來仍帶點濕潤柔軟，蛋香滿溢。麵包烘得外脆內軟，入口暖笠笠，塗上牛油，富香氣又不會有羶味！
食完再嘆埋杯熱奶茶同柚子蜜 (+$5)，好滿足。今次雖然只係點咗兩個餐，但都食得好滿意，尤其係鵝油麵，吃起來又滑又富麵香， 配古法燒鵝，真係無得輸。
張貼
