影片
更多
2025-04-07
327 瀏覽
極上鹽燒牛舌芯🐂真係恰如其名嘅粒粒牛舌芯，食過嘅每一舊都係咁爽口，角位帶點焦香，中間微微粉紅燒得恰到好處，仲帶有肉汁，完全唔乾柴，好味！洋風雞肉卷🐓以帶皮嘅雞肉捲住牛蒡同埋紅蘿蔔，口感相當豐富，雞卷紮實唔鬆散，雞皮嘅醬油入味而且燒得香，既有心思又有特色😋蓬鬆重量芝士玉子🍳本身諗住叫就咁蓬鬆玉子，但係落單嘅時候發現原來有芝士版，芝士鋪滿玉子燒嘅表面，一上枱就聞到好香，切開會有蛋汁流出嚟，有啲似炒滑蛋，比平時嘅玉子燒濕潤👌汁煮左口魚裙邊🐟通常喺壽司店會食到炙燒左口魚裙邊壽司，依度就食到好長條嘅裙邊，裙邊都有輕輕燒過所以又香又滑～火炙大蝦讚岐手打烏冬🍜湯底較為濃稠，十分掛湯，烏冬軟身，佔據一半碗面嘅櫻花蝦係鮮味嘅來源，隻大蝦嘅質素都唔錯🦐
洋風雞肉卷🐓以帶皮嘅雞肉捲住牛蒡同埋紅蘿蔔，口感相當豐富，雞卷紮實唔鬆散，雞皮嘅醬油入味而且燒得香，既有心思又有特色😋
蓬鬆重量芝士玉子🍳本身諗住叫就咁蓬鬆玉子，但係落單嘅時候發現原來有芝士版，芝士鋪滿玉子燒嘅表面，一上枱就聞到好香，切開會有蛋汁流出嚟，有啲似炒滑蛋，比平時嘅玉子燒濕潤👌
汁煮左口魚裙邊🐟通常喺壽司店會食到炙燒左口魚裙邊壽司，依度就食到好長條嘅裙邊，裙邊都有輕輕燒過所以又香又滑～
火炙大蝦讚岐手打烏冬🍜湯底較為濃稠，十分掛湯，烏冬軟身，佔據一半碗面嘅櫻花蝦係鮮味嘅來源，隻大蝦嘅質素都唔錯🦐
張貼
