影片
更多
2022-08-20
52 瀏覽
竟然嬲到要第一次寫劣評聽聞餐廳繁忙時間多人，但我又想試，特意weekday放假，帶外國回來既朋友，在非繁忙時間去光顧。點知外國朋友食完嬲到話之後唔會再光顧。非繁忙時間，入店時得我地一枱客（唔會因為繁忙而搞錯晒啲單）。一入去，職員已經態度差，都算，可能香港人返工都辛苦。落order, 我地叫左幾樣野，每款我都有重覆講多一兩次（呢度已經，唉，算，唔講），同埋等某職員落完一樣先講另一樣食物，慢慢慢來，因為我地放假唔趕時間。其中我叫A熱飲，我話：要熱既（再重覆）。最後重覆我都話：其他凍飲，一杯熱飲呀。結果都全部變晒凍飲，心諗算啦，可能返工真的太累吧。我請那位落order職員過黎我：我係叫熱，可否幫我換一換？(心諗好簡單正常）職員：呢杯野本身就只出凍飲，冇出熱飲喎！（我心諗，明明餐牌寫住有熱有凍，咁夾硬都得？！）其中一位朋友都忍唔住講：冇?你頭先落單又唔講（recall返，呢位職員在落order時有重覆我地order左啲咩架！）（我心諗，算啦，唉，冇謂搞到咁）我話：不如幫我格走啲冰算（或者俾個碗我自己搞）呢刻，有個女同事過黎問咩事，我話其實件事非常簡單，我係叫熱飲既，她立即話換返俾我，其實就係咁
聽聞餐廳繁忙時間多人，但我又想試，特意weekday放假，帶外國回來既朋友，在非繁忙時間去光顧。點知外國朋友食完嬲到話之後唔會再光顧。
非繁忙時間，入店時得我地一枱客（唔會因為繁忙而搞錯晒啲單）。
一入去，職員已經態度差，都算，可能香港人返工都辛苦。
落order, 我地叫左幾樣野，每款我都有重覆講多一兩次（呢度已經，唉，算，唔講），同埋等某職員落完一樣先講另一樣食物，慢慢慢來，因為我地放假唔趕時間。
其中我叫A熱飲，
我話：要熱既（再重覆）。
最後重覆我都話：其他凍飲，一杯熱飲呀。
結果都全部變晒凍飲，心諗算啦，可能返工真的太累吧。
我請那位落order職員過黎
我：我係叫熱，可否幫我換一換？(心諗好簡單正常）
職員：呢杯野本身就只出凍飲，冇出熱飲喎！
（我心諗，明明餐牌寫住有熱有凍，咁夾硬都得？！）
其中一位朋友都忍唔住講：冇?你頭先落單又唔講（recall返，呢位職員在落order時有重覆我地order左啲咩架！）
（我心諗，算啦，唉，冇謂搞到咁）
我話：不如幫我格走啲冰算（或者俾個碗我自己搞）
呢刻，有個女同事過黎問咩事，我話其實件事非常簡單，我係叫熱飲既，她立即話換返俾我，其實就係咁簡單，諗住完喇，點知那個出錯既某職員行左兩步又對個女同事講（那同事以為我地聽唔到佢講）：係佢地自己無啦啦改熱，唔關我事架！
我朋友嬲到立即當場嗌出去！！咩無啦啦！！！
出錯唔認唔換仲屈客人，我好唔開心同失望。
唉，食得好唔開心，食物點其實已經冇晒意思。
講返，唉，其實食物ok既。仲有，最後幫我地執枱既另外一些員工態度其實ok既，希望請到合適既員工啦，唔好浪費左間餐廳～
張貼