影片
更多
2019-01-01
1272 瀏覽
開正係利園三期，左有日本殿堂級潮牌Mastermind，臨近 DIOR CHANEL 名店擁立亦不在話下，餐廳裝潢仿似Wes Anderson 鏡頭下 Grand Pudapest Hotel 般骨子，已經令John Anthony 係時裝圈吹起一陣風。開店數月，筆者好幾個時裝界既朋友以已經先後駐腳。餐廳主打廣東菜，不過有twist 既！最特別莫過於水煮牛面頰，因為餐牌無話俾你知，原來係要連一塊西瓜一齊食。牛臉頰麻辣，西瓜爽甜，夾埋係出乎意料地刺激味蕾（in a good way)。當晚亦柯打左叉燒盛惠280蚊六舊，獨孤擺係個碟上面唔跟蛋唔跟飯，陳皮咕嚕肉，火燒桂花魚。總結John Anthony 既肉類，做出黎以彈牙有口感取勝，另外醬汁經過微調，叉燒甜而不膩，咕嚕肉酸甜又有陳皮甘香，桂花魚麻辣可口，味道各不相同，都叫做過左口癮。而當晚，當筆者最欣賞既水煮牛面頰都只不過係130蚊既時候，一尊150蚊既「柚子豆腐」絕對係勾起左筆者心底裡面「見高拜見低踩」既慾望。無錯，貴野係特別香既。究竟，John Anthony 可以將柚子同豆腐點樣出神入化地配搭呢？究竟，中華豆腐切絲刀工會唔會活現眼前
餐廳主打廣東菜，不過有twist 既！最特別莫過於水煮牛面頰，因為餐牌無話俾你知，原來係要連一塊西瓜一齊食。牛臉頰麻辣，西瓜爽甜，夾埋係出乎意料地刺激味蕾（in a good way)。
當晚亦柯打左叉燒盛惠280蚊六舊，獨孤擺係個碟上面唔跟蛋唔跟飯，陳皮咕嚕肉，火燒桂花魚。總結John Anthony 既肉類，做出黎以彈牙有口感取勝，另外醬汁經過微調，叉燒甜而不膩，咕嚕肉酸甜又有陳皮甘香，桂花魚麻辣可口，味道各不相同，都叫做過左口癮。
而當晚，當筆者最欣賞既水煮牛面頰都只不過係130蚊既時候，一尊150蚊既「柚子豆腐」絕對係勾起左筆者心底裡面「見高拜見低踩」既慾望。無錯，貴野係特別香既。究竟，John Anthony 可以將柚子同豆腐點樣出神入化地配搭呢？究竟，中華豆腐切絲刀工會唔會活現眼前呢？十五分鐘野之後，我既問題依然係問題：想問個尊豆腐係唔係百(?)牌豆腐？柚子係唔係WEL(?)COME個d柚子蜜？想問貴店係用咩黎定價？
最後筆者同朋友叫三左杯cocktail，可惜都係比較濃味，筆者叫既Dr.Wu’s bubble tea 都嘗不出一點點甜味，酒吧的心意實在難以揣摸。論裝潢，成晚身處John Anthony 總令我以為自己身處中環SOHO的另類酒吧或精緻食府，論cocktail，我忽然又記起我係銅鑼灣咋。
黑豚叉燒
$280
49 瀏覽
0 讚好
0 留言
水煮牛面頰
$130
50 瀏覽
0 讚好
0 留言
陳皮咕嚕肉
51 瀏覽
0 讚好
0 留言
Dr.Wu’s bubble tea
42 瀏覽
0 讚好
0 留言
張貼
