影片
更多
2019-10-05
249 瀏覽
屋企附近間茶餐廳新開咗一段時間，一直冇機會試下，今日趁住放假，去食返個午餐😉基本上主打叉燒，另外仲有炸雞、炸豬扒飯之類，食物選擇唔算多，但簡單嘅食物要做得專做得好，亦有佢嘅難度。我俾牆上面呢隻雞脾誘惑到，於是叫咗個炸大大雞脾湯米粉配腸仔炒蛋牛油多士。先上枱嘅係腸仔炒蛋牛油多士，一上枱俾佢嚇親，冇諗過係全份上，超抵食！炒蛋好滑，而且好香牛油味😋牛油多士兩邊烘過，又香又脆👍🏻頭先只係前菜，呢個先係重點，你話係咪嚇親，跟餐仲有飲品，$51仲想點，午餐叫呢個真係冇得輸😉雞脾果然同廣告一樣大過隻碗，但其實隻碗係偏細少少🙊不過平心而論的確比一般炸脾大少少嘅，而且皮脆肉厚多汁👍🏻麵類可以轉米粉、通粉、或者出前一丁，湯底亦可以轉特濃蕃茄湯，而且唔使另外加錢👍🏻我揀咗特濃蕃茄湯米粉，湯底尚算濃郁，但稍嫌酸咗少少，米粉同一般茶記有少少唔同，好有彈性，有啲似米粉溝粉絲，幾特別。先生叫嘅叉燒丼飯就非常麻麻，餐廳有肥叉燒丼飯同叉燒丼飯兩種選擇，落單前我哋同侍應查詢過叉燒丼飯係咪會俾瘦叉燒，佢回應話會係半肥瘦，結果叉燒唔止係瘦咁簡單，先生形容係瘦到乾柴🙈佢最後只係食咗一半都冇，就棄飯搶咗我個米粉嚟食😢跟餐飲品免費
基本上主打叉燒，另外仲有炸雞、炸豬扒飯之類，食物選擇唔算多，但簡單嘅食物要做得專做得好，亦有佢嘅難度。
我俾牆上面呢隻雞脾誘惑到，於是叫咗個炸大大雞脾湯米粉配腸仔炒蛋牛油多士。
炸大大雞脾湯米粉配腸仔炒蛋牛油多士
$51
16 瀏覽
0 讚好
0 留言
先上枱嘅係腸仔炒蛋牛油多士，一上枱俾佢嚇親，冇諗過係全份上，超抵食！炒蛋好滑，而且好香牛油味😋牛油多士兩邊烘過，又香又脆👍🏻
炸大大雞脾湯米粉配腸仔炒蛋牛油多士
$51
32 瀏覽
0 讚好
0 留言
頭先只係前菜，呢個先係重點，你話係咪嚇親，跟餐仲有飲品，$51仲想點，午餐叫呢個真係冇得輸😉雞脾果然同廣告一樣大過隻碗，但其實隻碗係偏細少少🙊不過平心而論的確比一般炸脾大少少嘅，而且皮脆肉厚多汁👍🏻
麵類可以轉米粉、通粉、或者出前一丁，湯底亦可以轉特濃蕃茄湯，而且唔使另外加錢👍🏻我揀咗特濃蕃茄湯米粉，湯底尚算濃郁，但稍嫌酸咗少少，米粉同一般茶記有少少唔同，好有彈性，有啲似米粉溝粉絲，幾特別。
叉燒丼飯
$55
20 瀏覽
0 讚好
0 留言
先生叫嘅叉燒丼飯就非常麻麻，餐廳有肥叉燒丼飯同叉燒丼飯兩種選擇，落單前我哋同侍應查詢過叉燒丼飯係咪會俾瘦叉燒，佢回應話會係半肥瘦，結果叉燒唔止係瘦咁簡單，先生形容係瘦到乾柴🙈佢最後只係食咗一半都冇，就棄飯搶咗我個米粉嚟食😢
左: 紅豆冰 跟餐加$8 右:凍檸茶 跟餐加$3
14 瀏覽
0 讚好
0 留言
張貼
