鬼金棒

營業中

休息中

鬼金棒嘅裝修真係好有feel，好似入咗日本滑畫入面咁，牆上面掛咗一個個鬼頭公仔真係好有氣氛。一行入去就閒到麻辣嘅味道。🌟 特製麻辣味噌拉麵鋪頭嘅招牌拉麵，我哋揀咗小麻小辣，食落的確唔太辣，相信好多朋友都可以接受。用上粗身拉麵，食落好有口感。叉燒真係好出色，夠晒入味而軟身。值得一讚仲有佢嘅溏心蛋，入面嘅蛋黃係橙色架，見到都流口水，而且同佢嘅比較油嘅湯底都好夾。🌟 辣麻味噌沾麵個人比較偏好沾麵，因為麵汁夠晒濃厚。揀咗中麻小辣，但老實講中麻同小麻嘅分別唔太明顯。佢嘅麵汁略帶小酸，食落好開胃，都真係值得一試。我仲追加咗增量叉燒，份量係一股叉燒嘅兩倍，真係大滿足。🌟肉飯除咗拉麵，我仲比佢嘅肉飯嘅賣相深深吸引，食完麵食個飯，特別食到米飯嘅甘甜味。飯面嘅叉燒又係超軟身，送飯一流。