叉燒大王

營業中

休息中

今次同朋友去左沙田食！叉！燒！聽落好似好搞笑，竟然專登去餐廳食叉燒？係啊！依間叉燒大王最出名就係招牌特選蜜汁叉燒王。一去到間餐廳就叫咗一碟例牌叉燒，侍應仲推介左墨魚嘴同椒鹽豬骨。嗰度環境同茶樓冇乜分別，仲可以嘆下茶。做嘅大多數都係街坊生意。等左唔使五分鐘一碟香噴噴嘅例牌叉燒就送到我哋面前。叉燒肥肉均勻分布，色澤鮮亮。我同朋友都急不及待咁夾左一舊試吓。一咬落去覺得肉質好鬆軟，連埋肥豬肉嘅香味，加上秘製蜜汁真係絕配啊! 炸墨魚都好香口，好新鮮，配埋葱一齊撈飯就正啦！椒鹽豬骨多好惹味！我同朋友爭住食最後一舊黎撈飯！哈哈！啲肉質厚實，但一啲都唔韌！個人好支持港式餐廳，如果大家有時間一定要去試吓！不會失望呢！