La Itameshi

營業中

休息中

約咗朋友係將軍澳，想試啲新野，就行咗去藍塘傲附近既西餐廳揾野食。因為朋友今日唔係好舒服，生冷野、牛羊太生都係咁好。就問下職員有咩好推介。佢話今日有新鮮既八爪魚，慢煮過，唔係生食。聽落唔錯、叫咗一set。食落好鮮甜，仲會食到本身既八爪魚味，唔使配豉油已經好好食。第二道菜亦都係職員推介既必食招牌菜，意大利雲吞。個皮好煙韌，加埋個厚身兼濃郁黑松露香草醬，好香好好味，一啲都唔會膩。因為唔食牛同羊，第三道菜就叫咗鱸魚。賣相十分吸引，個魚皮煎好脆，而且配菜唔會比主角遜色，特別係個南瓜，勁甜。職員話會遲D 會update個menu,下次再過黎睇下有咩新野食先。