昭和食堂

營業中

休息中

好耐冇去居酒屋，happy Friday 要去飲番幾杯relax下，呢度除咗飲酒，食物質素都好高質，好似呢個刺身拼盤，全部都非常新鮮同埋鮮甜，特別係見到肥美嘅拖羅，係我最鍾意嘅淺粉紅色肥拖羅，入口即溶好香魚油，真係令我非常回味，好正啊！另外仲有大大隻牡丹蝦同埋海膽魷魚，都係超級精彩。飲酒都係食小食為主，叫咗薯仔沙律，入邊流心蛋撈埋薯仔沙律一齊食，好夾，而且好好味。另外我最鍾意就係雞皮餃子，食入口好香脆好香口。飲酒都係忍唔住會嗌串燒，但呢度有最特別嘅係食到雞大動脈，一串已經係三四隻雞，食入口好似雞心又好似雞腎，口感幾特別，而且都幾好味，唔覺唔覺又飲又食咁就三個鐘，今晚真係非常滿足。