川之源

營業中

休息中

好耐冇食過辣嘢啦，今次嚟咗一間港島嘅四川菜餐廳。餐廳佈置比較中式，放紅枱布，會比你飲茶唔係飲水，睇menu佢d川菜都好似幾正宗，除咗常食既酸菜魚/水煮魚，佢仲有重慶小麵、毛血旺、炒土豆絲呢d好内地既川菜！我哋叫咗幾樣嘢，先係店家推介食嘅酸菜魚，魚肉都幾多，同埋係比較厚嘅魚肉，即使我哋冇食貴啲嗰種桂花魚。除咗魚同酸菜佢仲有啲粉絲係入面。酸菜魚都係有辣度揀嘅，我哋揀咗小辣，就唔係好辣，比較係酸d.另外有個涼拌秋葵，我第一次食，佢係將醋同埋蒜蓉加落淥熟嘅秋葵到，簡單但幾好食，我覺得自己之後都係試下煮xp跟住我哋仲嗌咗個口水雞，雞就唔算多肉，但係好惹味嘅，我哋都係揀咗少辣，但呢個真係幾辣下嘅，所以我哋再食咗個冰粉，就可以降下辣又透心涼！