阿部屋日式板燒．豚肉專門店

營業中

休息中

今日又過嚟食啦，厚切豬扒真係必食，隔一段時間唔食就念念不忘，豬扒飯可以叫切好先上又或者係自己切，我鍾意自己切，因為切嗰陣時可以明顯聽到個豬扒好脆，但係入邊又好嫩，仲會有少少汁，搭配嘅咖喱汁有啲似日式咖喱，但係改良版，帶少少甜但係都會有少少辣，所以唔會覺得膩，最緊要係咖喱汁會另上，食飯真係唔鍾意啲汁撈埋喺個飯入邊，自己撈唔同啦，老龚嗌咗脆香芝麻雞翼湯拉麵，老老實實，個拉麵就比較一般，面嘅韌度唔夠，湯底都比較淡啲，你就當佢係普通嘅面啦，但係個雞翼OK，出邊一啖咬落去會有少少脆皮，但係入邊又可以爆曬啲汁出嚟，一啖好滿足夾埋個芝麻好香，凍檸茶同埋凍奶茶我覺得凍檸茶好飲啲，但係記得叫少甜喎。