阿部屋日式板燒．豚肉專門店

因為之前食過大元邨上面既餐廳都一般,所以都好耐冇黎呢度食野了,咁岩經過,就上黎行下睇下,點知見到間未食過既阿部屋日式板燒．豚肉專門店(之後睇返,其實佢都開左好耐><),比佢門口個牌上面既豬扒飯相片吸引左,就入去試下喇招牌厚切吉列豬扒飯嘩嘩嘩,呢個豬扒飯果然係招牌,真係好好好好食,厚切,有肥肉有瘦肉既豬扒,介乎煎同炸之間既煮法,令佢有炸既感覺但肉汁保存得好好,一咬開,好滿足其實牛扒都唔錯,不過前面有個豬扒做比較,即刻被比下去了…查看更多

今日食咗個蔥油雞扒飯蔥油超香雞扒好大塊勁滿足.同事食咗個豬扒飯上枱嗰陣時真係嚇咗一條又大又厚.重點係個豉油好香，重有椒鹽豬扒飯同樣出色，仲叫左個扁意粉，上枱嗰陣先熱辣辣好食…查看更多

下午茶食4隻雞翼一個沙律加杯凍檸茶剛剛好，落咗單（T-16餐）等5分鐘左右阿姐走嚟話無爆脆雞翼，換瑞士雞翼得唔得都得接受，再過多幾分鐘瑞士雞翼都冇，又話有芝麻雞翼，算了接受，份餐一出已經見到個後生仔拎去問廚房係咪就咁出，廚房師傅應該答佢照出，個後生仔都見到唔係好對路，所以至問多一次廚房，我係要四隻雞翼，點解變咗兩隻咁奇怪？…查看更多

一朝早抽完血，當然要補充下體力先開工。返屋企之前坐低食個早餐回一回血。之前見其他食評話份量好大，就過嚟試吓。但早餐感覺上份量就唔算好多，雞扒雖然得半塊，不過雞皮幾脆，好似落左脆粉特別香口。炒蛋份量應該一隻蛋，呢個炒蛋嘅份量，食到有啲到喉唔到肺。另外跟餐加咗個細嘅辣肉醬米粉，辣肉醬唔辣似蕃茄醬，質地似肉躁，如果可以留返啲就好。薯餅都炸得幾香脆，唔算好油。咖啡偏甘口，但係就冇苦澀味。整體嚟講，份量唔算好大，但係食埋碗米粉就覺得飽肚。…查看更多

曾經食過覺得唔錯，所以想試其他食品，因為餐牌有點不太清晰，所以落單前已再同侍查詢那款是否湯麵，及說我哋唔想要撈麵(因為太重口味)，佢亦確認係湯麵黎既，點知黎到仍然係撈麵！該侍應都說攪錯左唔記得轉湯麵，跟住話湯麵係另一頁，想卸責同唔想換比我哋，只話唔好意思後就調頭走開左。都試過加水睇下會唔會好D,都係唔好食，唯有淨食餸唔食麵，無下次了。未食過咁貴既一塊豬扒同一件雞脾，睇下張相就知。明白點解話多左人返內地食野，應該唔係單一錢既問題，係服務呀！…查看更多

#20250302 🤍📍 #阿部屋日式板燒豚肉專門店 @abeiejr 大埔汀角路10號大元商場平台F3&F4號舖➖➖➖➖➖➖➖➖➖➖➖➖➖➖➖➖➖ 🥢 #是日餐湯 #野菜沙律 💭 是日靚晚餐有湯同沙律送，通常都係二揀一，兩樣都有好豪爽👏🏼湯係蘑菇粟米火腿忌廉湯，足料到𢳂親羹羹都有料，好豐富🍄‍🟫沙律係柚子醋雜菜沙律，酸酸味味好開胃🥗.#板燒黑椒紐西蘭牛柳 #薯菜 $128💭 係兩大塊極厚身既牛柳，叫左五成熟，切開見到入面粉粉嫩嫩好吸引🤩雖然塊扒厚到一個點，但係有鬆肉粉既加持所以非常容易切開，份量大到搞唔掂，想像唔到跟飯或者意粉點搞，大食既問題絕對唔使擔心喇🐮.#鍋燒鮑魚撈飯火鍋一人前 🥢 #鍋燒鮑魚撈飯💭 完全想像唔到點樣炒飯配邊爐，呢間野就做出尼睇下🤣炒飯用左珍珠米，乾身到粒粒分明，面頭有鮑魚、香菇同西蘭花🥦上枱果陣店員哥哥仲會幫手淋啲汁落個鍋邊咋咋聲，成件事好港式又有啲高級，幾得意😚. 🥢 #澳州豚肉鍋 #火雞辣辣湯 $108💭 今餐飯好多第一次，第一次用辣雞麵個湯底尼打邊爐，有去左韓國既感覺，開頭唔多覺，但會越滾越辣好惹味🌶️有得揀牛或者豬，雖然啲豬係有偏肥，不過呢個價錢可以原諒啦🥘. 🥢 #蔬菜盛盒 💭 邊爐啲配料都幾多，有餃子🥟鳴門卷🍥油揚、豬肉丸、蝦卷，真係每樣一舊都夠食，個底仲有好多生菜同黃芽白，overall多過平時食果啲一人火鍋，另外仲有啲好爽彈既粉絲，夾個湯底真係超正👍🏼.#大埔美食 #🐷在大埔 #🐷_食…查看更多

【大埔區】【阿部屋日式板燒．豚肉專門店】我呢排唔係好舒服，所以入咗大埔睇醫生，睇完就去搵啲嘢食。好耐冇喺大元邨個平台度搵食，見有啲時間就上去八卦吓。望到呢間我未寫過，姑且一戰。又咁講，嗰真係平日下午，個頭除咗啱啱放學嘅小學生同埋啲家長之外，根本就冇乜人，間餐廳都係。我入到去叫個「午市之定食」，因為冇下午茶，不過叫嘅係 $58 嘅「香川燒鯖魚」，仲配埋「麵豉湯」、「日式蒸蛋」同「味素珍珠飯」，乜都有得食，呢個價錢都冇得要求啲乜。條鯖魚我揀咗鹽燒，覺得略鹹，本身肉質同埋味道都唔差，係鹹咗啲啫。其實碗麵豉湯都幾鹹，反而個日式蒸蛋就完全冇味，奇怪。嘢飲我飲熱「洛神花蜜」，我自己唔記得叫佢少甜，所以唔係好慣。跟住用 $62 叫碟「鐵板燒牛舌」，仲貴過個午餐，不過質素 okay，冇令我失望。咁樣夾埋食咗 $120，不收加一，係可以嘅。。。（地址：大埔汀角路10號大元商場平台F3&F4號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #globaleats #tastyfood #followforfollowback #love #eat #openrice #instagram #xiaohongshu #1am大埔區 #大埔 #太和 #阿部屋日式板燒．豚肉專門店 #阿部屋日式板燒豚肉專門店 #阿部屋 #日式板燒 #午市之定食 #香川燒鯖魚 #麵豉湯 #日式蒸蛋 #味素珍珠飯 #洛神花蜜 #鐵板燒牛舌 #1am1598 #1ambackup…查看更多

九龍人入左大埔工作，趁有時間即時搵個地方食個靚靚午餐🥱成日都茶記都食到悶。正想搵間西餐廳食個西西Lunch，點之俾我見到呢間日式店🤩就入去試下佢見到隔離枱塊豬扒😅大到咩都唔考慮，直接一定要試下佢塊厚切豬🐖叫左個炭燒厚切豬扒飯配七味炸雞+凍奶茶豬扒好厚，唔會過熟，有汁，嫩口七味炸雞，正常味，太飽，淨係食左一件整體：價錢合理🤣份量過大😋好味指數高聽聞好似淨係做早餐，午餐同下午茶。香港而家禁既環境，都唔做埋個晚市，証明質素係有實力。支持係九龍區開分店呀😆😆…查看更多

慕名而來🤤大埔名物--阿部屋豬扒包Lunch都要排下隊，但都算快有得入座。見到機乎枱枱都係豬扒，豬扒，豬扒🐖🐖🐖我地今次就試下個豬扒包配蘋果沙律，另外叫多個汁燒比目魚定食👫🐽豬扒絕對係必食幾乎每個人都會食😀豬排大大件又厚身食落鬆軟有肉汁🤗份量太大，最后只能食晒塊豬扒，塊包放棄左一半😅🐟定食比目魚好滑定食感覺好抵食仲有蒸蛋，麵豉湯配味素珍珠飯🤩有時間再入大埔，必定會再嚟🤣因為俾隔離枱既香蔥油麵吸引左🤣🤣🤣🤣…查看更多

上次食過...對豬扒先生念念不忘。點解可以塊豬扒禁厚身，而又做到醃得夠味，又熟，又唔乾，又唔柴口？仲要係juice....😍😍禁大塊真係除左太飽會食唔晒之外，應該無可能有得剩🤣放假帶埋朋友仔嚟試下🤗我當然係叫左照燒十勝厚切豬扒包，朋友仔就話試我兩啖豬扒😜佢就叫個芝士火腿牛角包配辣肉醬米粉✅️✅️豬扒包嚟到，塊豬扒大到朋友仔都O晒嘴😆切左兩舊仔俾佢試，食到佢係禁話想轉餐🤭但佢個牛角包都好正，重點係辣肉醬米粉，估唔到除左豬扒，個辣肉醬都好出色👍👍我發覺一定要幾個人一齊黎食，禁就可以大家share咩都食到😎…查看更多

lunch食個豬扒包都唔錯喎，豬扒豬仔包塊豬扒仲大過麵包，個麵包有嚼口，仲會有淡淡嘅麵粉香味，越嚼越香，夾埋個生炸豬扒，中和得剛剛好，豬扒外脆內嫩一啖咬落去仲會有少少汁，第一啖可以先直接單食個豬扒，可以好明顯feel到個豬扒嘅香味，但係如果可以再夾埋啲酸蘿蔔或者係酸黃瓜就更加好了，蘋果沙律會撈埋啲薯仔泥，帶少少奶香味，蘋果夠曬新鮮，夾埋大紅豆，粉糯，解膩又好味，再飲翻啖凍汽水，Nice一個套餐好頂肚啊。…查看更多

今日又過嚟食啦，厚切豬扒真係必食，隔一段時間唔食就念念不忘，豬扒飯可以叫切好先上又或者係自己切，我鍾意自己切，因為切嗰陣時可以明顯聽到個豬扒好脆，但係入邊又好嫩，仲會有少少汁，搭配嘅咖喱汁有啲似日式咖喱，但係改良版，帶少少甜但係都會有少少辣，所以唔會覺得膩，最緊要係咖喱汁會另上，食飯真係唔鍾意啲汁撈埋喺個飯入邊，自己撈唔同啦，老龚嗌咗脆香芝麻雞翼湯拉麵，老老實實，個拉麵就比較一般，面嘅韌度唔夠，湯底都比較淡啲，你就當佢係普通嘅面啦，但係個雞翼OK，出邊一啖咬落去會有少少脆皮，但係入邊又可以爆曬啲汁出嚟，一啖好滿足夾埋個芝麻好香，凍檸茶同埋凍奶茶我覺得凍檸茶好飲啲，但係記得叫少甜喎。…查看更多

:)工作日來食個午餐，好火爆喔，大排長龍，不過環境幾號，排隊都唔會勞煩，等咗一陣就可以落座啦。我食懷舊經典沙丹厚切豬扒配珍珠炒飯，好大一份先58蚊喔，好抵阿！上邊蓋住滿滿嘅料，大塊大塊嘅午餐肉，金燦燦嘅溏心煎蛋，非常之厚身大件嘅豬扒！豬扒深得我心，一d都不膩，豬扒肉好柔軟，咬落仲有肉汁出來，好好味。炒飯都好味阿，粒粒分明又唔會太硬口，好食！…查看更多

豬扒拉麵，但係個拉麵係公仔麵嚟嘅係韓國金拉麵，不過煮拉麵都好講究水準嘅，拉麵煮得好彈牙爽口，同埋店家喺入邊加咗少少沙律同埋雞蛋，令到個拉麵上升一個層次，不過主菜梗係係呢個連骨豬扒啦，大大嚿豬扒，煎炸得好嫩，一啖仲可以食到原汁，同埋個口味有啲似豉油味，好味，好開胃，叫餐可以搭配叫山梨完熟白桃汁，呢個都幾好飲喎，清甜，雖然及唔上日本水蜜桃汁咁甜，但係都好OK嘅，同埋個拉麵餐搭配好夾。一個set食都好飽好滿足。…查看更多

今日休息特登過嚟試吓呢間燒屋嘅拉麵，因為聽啲同事講話呢間嘅拉麵係有啲似中式同埋日式嘅結合品，拉麵湯底對於我嚟講雖然冇日式傳統拉麵咁濃但係都OK嘅，不過前提係因為我口味比較淡，豬骨湯味都好濃，鹹淡適中，入邊個竹筍好爽口，我鍾意，雞翼豬骨湯拉麵焗雞翼係另外上嘅，食雞翼嗰陣時先知點解係要另外上，雞翼出邊脆口入邊好嫩，一啖咬落去啲雞汁係充滿咗你成個口入邊嘅， 口感豐富，同埋個豉油味好香，呢個雞翼完全拍得上出去炸雞舖特登食嘅雞翼，有少少驚艷到，最後再嚟多啖特製菊花蜜，正👍…查看更多