大盛日本料理 (已結業)

星期日下午，本來想食外野手，但太太話呢間未食過想試下，點知咁就出事。入去之前都唔知食乜野好，睇完menu叫左個咖哩豬扒飯套餐及鰻魚拉麵餐。那個鰻魚還可以，不過侍應先送上鰻魚，數分鐘後才上拉麵，感覺好奇怪。這個算是不過不失。咖哩豬扒飯可以話唔掂，送來時飯不夠熱，咖哩汁也是凍凍地的，換過一碟出來後，飯及汁是熱了一點，但吉列豬扒已淋哂，而且飯未食到一半已好快凍哂，感覺十分難食，茶餐廳廿多元出品都無咁差啦。侍應大部份十分生手，雖然態度不差，但也是不滿意。