花園餐廳 (已結業)

又黎到花園餐廳開餐，雖然佢既服務有一億個唔掂，無計啦！間間lunch都要等，淨係花園可以直入，你知點解啦！今次黎試下佢既鐵板餐，平日食lunch set都要五十幾蚊，宜家食塊鐵板都係六十幾，OK喎！叫左西冷牛扒三成熟，唔好以為三成黎到好生，OK架，上鐵板三成，黎到岩岩五成，咁上下食時已經七，八成架啦！西冷扒好薄好易熟，肉質幾嫩，咬落去有鬆化既感覺，牛味都有，切開無血水，可以放心食~牛扒底部配有薯菜，但菜得一條咁大把，硬到呢...薯條份量唔多，因為鐵板上，黎到已經林晒，但加上蒜蓉味，好味！連埋凍飲加一多謝75蚊，咁"好"既服務態度，唔收加一我條氣會順啲。