好運印尼餐廳

營業中

休息中

之前聽朋友講過呢一間印尼餐廳食物都幾正宗，又好味，所以就算交通唔係好方便，都要嚟一嚟試試。今次一行二人，叫了幾款菜式，而最好味的莫過羊肉沙嗲同埋十五夜（圖左上角的兩碟）。曾經去過唔同的印尼餐廳試過羊肉沙嗲（即係串燒），有的羊肉本身又硬又凍，再加上非常普通而又冰凍花生醬（有幾間分店嘅年份印尼餐廳）；有另一間不錯，但水準不穩定而且沙嗲汁欠缺特色。而呢一間，印尼廚師將肉串放上烤爐上，未食肉香就已經由廚房傳出。出來的串燒夠哂火喉，又新鮮又夠熱，配上辣辣地沙嗲醬，有濃沃花生醬香味，淨係個醬汁用送其他餸都已經好好味～！十五夜是由圓形飯團、豆角、牛肉、雞蛋，配上特色醬汁充滿椰汁香味。右下角的是巴東牛肉飯，不過不失，都幾辣吓，唔吃得辣的朋友就唔好叫喇！