好運印尼餐廳

呢間家庭式經營嘅印尼餐廳要行一條斜路先到，好唔顯眼，原來已經開業超過20年，由2014年開始每年都係米芝蓮推介！今次帶咗印尼親戚過嚟實測一下🤭餐廳經過翻身，裝潢簡潔坐得舒服❛ 印尼炒麵 ($85)印尼親戚覺得最出色嘅一碟！麵炒至乾身香口惹味配料豐富，味道偏甜唔辣❛ 煎板登魚 ($105)成條魚煎，似炸多D，炸粉鬆脆，煎至香口惹味❛ 印尼燒雞 ($90)沙爹醬偏甜份量都多，如果分開上可以自行沾就好啦❛ 加多加多 ($68)沙爹醬偏甜，蝦片如果再脆D就好啦❛ 沙爹豬肉 1/2 doz ($95)❛ 沙爹雞肉 1/2 doz ($90)燒至微脆焦香，肉質軟腍，依然保留住肉汁沙爹醬分開上，有成碟，花生醬味濃郁幾出色，但係半打都唔平❛ 印尼黃錦飯 ($85)多款配料，有炸雞、巴東牛肉、豆角、蛋等巴東牛肉肉質軟腍，椰味香濃亦夠辣色香味俱全，味道口感豐富，飯亦炒得夠乾身❛ 牛尾湯 ($70)整體食物質素唔錯，只不過係大部份都偏甜，香港人未必咁慣咁甜我地8點前食完門外仲有人排隊等位，嚟之前可以book定位—ʜᴋᴅ $100-200 𝗉𝗉𝙧𝙚𝙨𝙚𝙧𝙫𝙖𝙩𝙞𝙤𝙣𝙨: yes𝙧𝙚𝙫𝙞𝙨𝙞𝙩? maybe𝙤𝙫𝙚𝙧𝙖𝙡𝙡: 8/10—📍 好運印尼餐廳 Lucky Indonesia Restaurant通明街46號地舖G/F, 46 Tung Ming Street, Kwun Tong…查看更多

少許驚喜又少許失望。所謂招牌十五夜真心麻麻，巴東牛肉韌，肉質很嚡，炆的時間不夠，不好吃。飯糰的飯腍腍爛爛，只有樣子可以，但其他配料都是好吃的。飲品挺糟，人工化學味，死甜，喝一口已經很後悔點了，可樂好喝多了。點了沙嗲豬來錯了沙嗲雞，雞肉質麻麻，醬則是可以的，很香。點了十五夜又無故漏單，服務麻麻，男店員不親切，女店員不錯，有人情味，但不懂下單。甜品完全不用點。上海冰跟飲品同樣化學味，黑糯米比較好，但都是死甜，實在失望。鹹食比甜品出色。牛脷非常好，醬汁美味下飯，牛舌炆得很軟，而且厚薄算適中，可再厚一點點，薯仔亦恰到好處。粟米餅香口出色。春卷麻麻，餡料平凡，沒特色，齋餡很寡，可以不用點…查看更多

家陣2024年在香港老印尼華僑的餐廳已經少之有少，但這間位於觀塘深處的小店保持着兒時舊日的味道和情懷。老印尼華僑的味道就是偏甜及/或帶一點Sambal 辣味。顧客很多都是上了年紀，慕名而來或來尋找comfort food。不太熟悉老印尼華僑味道的人士，可以嘗試不要只是點大路的炒飯炒麵加多加多, 要試試已經不常見的菜式，比如Ikan pepes, 炒蝦仁臭豆, 而他們的珍多冰也落了厚厚傳統耶糖，再配上老一輩的family restaurant service, 更顯矜貴。…查看更多

雖然望落個名覺得好「唔印尼」、但佢係一間独立経営嘅印尼餐廳、唔知係咪位置問題要特登行上嚟嘅關係、真係indie到晚飯時間都差唔多冇客、雖咁樣對餐廳唔好、但就可以卡位任坐靜靜地孤獨進食。環境幾好、裝潢都幾靚又自然、有啲特色小音樂、但可能樓底高、唔開大啲冷氣會覺得好熱呢下扣一扣環境分。叫咗【印尼炒麵】&【加多加多】炒麵明顯帶甜味、配料亦算夠又有菜、但冇乜鑊氣炒味。炒麵呢款食物定位算係叫庶民美食、但都賣成＄80拉低晒CP值。加多加多都多雜菜尤其蝦片、但個靈魂醬就好淡、吊唔出啲乜味、成碟冇乜味。總括兩款食物只屬soso。呢日用餐店員服務體驗就非常好。睇Google相呢間原來攞過米芝蓮、餐牌都有啲比較印尼嘅食物、除非其他食物真係標青、否則以今日叫呢兩款為基準、咁樣都可以被列入米芝蓮令人極費解、所以我從來都唔會信呢啲所謂聯盟標準。難得係一間獨立舖、希望佢哋可以再鑽研多啲美味食譜。…查看更多

餐廳唔夠一半人幫襯 我哋七個人 佢只係將三張二人枱拍起來 七個人坐非常迫 明明隔離連續三張兩人枱冇人坐都唔畀我哋拍枱 我哋埋單時候隔離張枱都冇人坐 非常之唔愉快 永遠唔再幫襯…查看更多

喺觀塘開咗好多年同埋攞咗好多年米芝蓮獎嘅一間印尼餐廳，今日試過啦，兩個人嗌咗成枱餸，首先嗌咗兩杯珍多冰唔太甜，跟住就開始嗌最出名嘅印尼黃薑雜錦飯，加多加多，當然唔少得嘅係串燒，今次嗌咗豬肉串燒，好惹味，因為我哋嗌咗一碟印尼炸雞，炸雞燶咗啲同埋乾身咗一啲，因為我之前食過一啲黃薑炸雞超好食，但現在很難找得到，尤其是銅鑼灣印尼餐廳都搵唔到咁好食，希望我將來可以搵到再介紹俾大家，本來想嗌粟米餅，後來嗌咗薯仔餅，好多薯仔絲好好味，煎得好香口，仲有嗌咗炒貴刁食唔晒打包了。…查看更多

我4大1細，大熱天抱住個bb喺出面爆曬等咗個半鐘冇出過聲，點知後面又係5個，我聽住個呀嬸自己打電話同朋友講，佢哋前面仲有5個，即係佢知自己係我哋後面嗰枱嘅。咁因為後面枱有個伯伯，驚佢熱親入去坐住等先，ok啦，點知有人走，好應該到我哋入去食，個女人勁冇品咁拉隊入去，搶我哋枱。咁都算，我哋一開始好聲好氣同個職員講，其實我哋到先，咁似住有伯伯嗰兩個女人理虧唔敢出聲啦，點知個女職員夠膽死話我哋計喺佢哋後面，好啦，頂唔緊，直頭入鋪頭同個女職員講清楚，點知佢夠膽死推我哋出去話我哋係遲到嗰枱，我成頭黑人問號？？？即係好心你就派飛啦，咁先可以避免呢啲事發生，真拎米之蓮請著啲咁嘅職員都冇用呀。…查看更多

基於屋企人緣故，仲係小朋友嗰陣每個月都會黎依間餐廳幾次，不過自從踏入社會之後，就冇再嚟過啦🥹香港傳統嘅印尼餐廳已經所剩無幾，今次因為喺觀塘工作，就決定重遊舊地，餐廳裝修完後，燈火通明，暖色系裝修加上家庭式經營，營造出溫暖嘅感覺😊雜錦黃綿飯🍚每次嚟都必點，因為咩都可以食少常少😝 黃薑飯帶點微辣，配上印尼傳統配菜，酸酸辣辣嘅味道，加上印尼炸雞同巴東牛肉，牛肉炆到好林，賣相好豐富😍 相隔多年，味道依然，風味不變😊…查看更多

身為觀塘人一直都知呢間印尼餐廳但位置比較唔就腳所以一直都無去試今日同事竟然話要去試我地就行咗成十五分鐘去食佢招牌主打係十五夜同黃錦飯而我就試咗黃錦飯所有餸菜都幾好味同配搭一起食真係唔錯只係覺得件炸雞比較乾身而十五夜係有湯版嘅黃錦飯湯就香料味比較重同好椰香味而飯就係一舊舊咁如果分量多返D就更好…查看更多

屋企老人家嘅原因，所以我都係呢間餐廳多年嘅常客，香港印尼餐廳已經少之又少，銅鑼灣嗰幾間自己覺得唔OK，所以過海都要食呢間。等佢裝修等左兩個月，八月同九月兩次黎都摸門釘，終於開返即刻黎。佢地呢間餐廳已好多年，自己買咗嘅鋪位，無諗過佢地會裝修。每次黎我都係鍾情於食同一樣食物。沙嗲豬肉satay babi，必食，香口加豬肉好軟林，印尼個沙嗲醬係同其他東南亞唔同。薯仔餅又係我至愛，呢度特別皮薄多薯蓉。十五夜飯團longtong cap gome，我媽至愛。仲有上海冰ice Shanghai又係我至愛，我自己走奶走椰汁，唔太甜，好多料，好味。臭豆炒蛋，應該東南亞地區住過嘅人先知係乜。最後仲拎走個梳多鷄飯。…查看更多

估你唔到觀塘有間隱世嘅家庭地道印尼餐廳，已經開左業最少廿幾年，仲拎左幾年米芝蓮，一試之後明白點解可以咁多年都屹立不倒。店入面保持住懷舊風格，非常有特色，卡位都坐得幾舒服，唔太覺得會有歲月痕跡。印尼黃錦飯$70薑黃飯令到個飯除左顏色吸引，仲好開胃，有隻炸過嘅蛋、雞鎚、巴東牛肉、豆角、脆魚花生及青瓜，非常足料龍東十五夜$75香濃椰漿再加上咖喱汁，配上粽飯令到口感層次豐富左唔少，加上巴東牛肉、咖喱雞、豆角及炸雞蛋等一齊食，各有特色，唔會話邊款食物太搶focus，合襯沙嗲羊肉串 半打$85羊肉唔會膻，而且加埋個沙嗲醬食提升左層次，呢個沙嗲醬仲有粗粒花生，如果用嚟整沙嗲牛麵應該都好正呢走個時知道原來7月10日至9月初會裝潢，如果仲未食嘅朋友，就建議大家快d試下，加埋個懷舊裝修風格，感受華而不實家庭印尼菜！…查看更多

初來觀塘一帶報到，LUNCH TIME邊行邊搵食，遇上呢間門面神秘的印尼餐廳。見門上貼著多年的米之連車胎推介，一行兩人試試。店內是中間走廊，左邊是一排卡位，右邊是四人枱和六人枱。店員細心的安排沒有直吹冷氣的卡位給我們。平日中午約一點，四成入座，我們離座時已接近九成入座。入正題，有午市餐牌，沒有餐的，有小食，飯面，飲品另點。我們點了一個咖喱牛腩飯，半打沙嗲雞串燒，SHARE咁食，食物多元化。咖喱牛腩飯咖喱牛腩正常味道，不會太辣，食到尾會覺得辣的。咖喱中的薯仔好稔好甜，好味! 沙嗲雞串燒雞串肉質唔錯，少少滑的。沙嗲汁有濃濃的花生香味，不錯的。…查看更多

呢間完全睇唔出係米芝蓮推介，裝修好舊，座位又逼夾😂唯獨係好有屋企feel，似係屋企食飯咁，咁小編就覺得一定真係好好食喇🥹點知又唔係喎，可能印尼風味唔太啱小編食啦，不過睇個樣應該都幾正宗😎價錢就一啲都唔抵食，應該都持住米芝蓮個名買貴啲，不過一次半次試下呢類特色餐廳都幾好嘅😜.🍚印尼雜錦飯 $65份量就真係幾多嘅，有好多唔同嘅配料，感覺上好滿足😀但又唔覺得有咩特色或者整得好好食咁😂整體就辣辣地，不過不失啦🤣.🐟蕉葉燒魚 $83其實好耐之前食，一直都未得閒post😂印象中都幾辣下，味道最有驚喜都係呢個🤣味道係唔錯，但魚嘅口感就一般，而且超級多骨，食起嚟都幾唔方便😫.💰人均消費：～$150.🍽味道: 2/5🏙環境: 2/5‍👨🏼‍🍳服務: 3/5💧衛生: 2/5💰價錢: 2.5/5…查看更多

米芝蓮推介的餐廳之一, 環境懷舊有特式, 家庭式經營, 非常有人情味的小店我很喜歡食東南亞菜, 味道獨特又開胃, 甚至很有親切感🥰我們點了印尼雜錦飯(ɴᴀsɪ ᴄᴀᴍᴘᴜʀ)印尼黃薑飯 (ɴᴀsɪ ᴋᴜɴɪɴɢ)雜錦飯和黃薑飯配菜是一樣的, 只是飯底不同, 除了薑黃的顏色吸引之外, 味道香很開胃配菜方面有蛋、巴東牛肉、炸雞、豆角、青瓜、花生, 拌飯一起食啖啖不同風味, 巴東牛肉軟稔, 帶少少辣如果食得辣的朋友, 可以加點sᴀᴍʙᴀʟ ᴛᴇʀᴀsɪ,即是印尼辣椒醬, 這個辣醬是超好味道, 個人推介👍🏻沙嗲豬肉(sᴀᴛᴇ ʙᴀʙɪ)串燒是半打起, 即叫即燒炭香味十足, 串燒入口時再蘸一層厚厚的沙爹醬, 辛香開胃, 絕對讓人一串接一串食不停加多加多（ɢᴀᴅᴏ ɢᴀᴅᴏ）印尼特式沙律, 夏天必食之選, 是一種印尼爪哇島傳統料理, 混合生菜、白菜、豆角、炸豆腐、蝦餅、雞蛋, 再淋上沙嗲醬, 材料很豐富梭多牛肚湯(sᴏᴛᴏ ʙᴀʙᴀᴛ)湯頭鮮美, 除了牛肚, 還有芽菜、椰菜、蛋, 湯頭有點炸蒜的香味, 味道濃郁飲品🍹珍多冰(ᴇs ᴄᴇɴᴅᴏʟ)傳統冰凍甜點, 加入爽口綠色粉條, 椰醬、棕櫚糖味道濃郁, 入口香甜三色冰(ᴇs ᴛɪɢᴀ ᴅᴀʀᴀ)顏色比較鮮艷, 除了綠色粉條之外, 還加入大樹菠蘿、椰果, 味道較清爽, 非常解渴上海冰🍧(ᴇs sʜᴀɴɢʜᴀɪ)情意結的甜品😍, 從小就喜歡食這個, 印尼上海刨冰, 賣相很吸引之餘, 入面有大量水果, 有紅豆、珍多冰、大樹菠蘿、波蘿、椰果、亞答子, 甜度適中、椰汁香滑正宗地道的印尼餐廳越來越少, 味道仍然保持水準, 小店的叔叔姨姨很親切, 有種家的感覺…查看更多

呢間米芝連推介餐廳我儲咗好耐，難得今晚阿仔同老公嚟觀塘陪我食飯，一於就的起心肝去食印尼餐。餐廳個位置非常之唔就腳，仲要行上一條長命斜路，如果唔係特登要來，一般人應該都唔會揀喺呢度食飯。呢間餐廳細細間，嚟呢度食嘢嘅人似乎都係係熟客。佢哋嘅餐牌非常之簡單，係嗰種一啲都唔花巧，實實在在煮俾你食嘅餐廳。因為老公同阿仔都唔熟悉印尼餐，所以就由我揸fit。嚟得試餐嘅，就諗住嗌多幾樣，食唔晒最多就打包攞返屋企。首先要咗半打沙爹，雞、牛、羊，每樣兩支。呢度嘅沙嗲仲有豬肉的，不過印尼係回教國家，基本上唔會有豬肉沙嗲。啲沙爹味道唔錯，唯一唔係咁滿意的就係佢嘅沙嗲醬係預先撈喺上邊的，唔似其他餐廳會另外上沙嗲醬，俾人客自己沾嚟食。主食要咗印尼炒麵同印尼黃錦飯。坦白講，個黃錦飯味道係可以的，但係比起印尼炒麵就遜色好多。呢個印尼炒麵真係超超超好食，我已經好耐冇食到咁好味，炒得咁香嘅Mee Goreng 喇！另外一個我想念的就係梭多雞湯。呢度嘅梭多雞湯同我心目中嘅都有幾大出入。雖然都叫做足料，但係俾我嘅感覺係佢多汁而唔係一個真正嘅湯，所以有少少失望。既然食得印尼菜，咁就一定要試佢嘅加多加多。唔知道喺唔喺今晚嗌嘅餸太過相似，所以食落味道都似乎係大同小異。個人嚟講，我會覺得個花生醬唔夠濃郁，事實上佢係偏稀，唔係我鍾意嘅一種醬汁。要讚嘅係啲蝦片，非常有蝦味，係典型嘅印尼蝦片。食到呢度，聽到隔籬枱嗌蕉葉燒魚，於是我哋又都要咗一個。上抬嘅時候就知道又係一碟同我心目中嘅燒魚有段距離嘅一碟餸。首先，佢並冇真正燒魚嗰種焦香味，而且呢條魚骨頭多，食落唔係咁方便，總體上打咗折扣，我個人唔會recommend 尼碟餸。飲品方面我嗌咗一杯珍多冰，都係嗰句，啲chendol 可以做得更好。阿仔就要咗一個榴槤亞塔子冰。亞塔子喺香港不常見，都算係比較特別的食物，加埋榴槤，如果喜歡呢個味道的人應該會對呢杯飲品滿意。總結今餐的經驗，我覺得呢間餐廳叫做尚可以，但係未到值得米芝蓮推介嘅程度。今晚我覺得唯一真正好味嘅就係個印尼炒麵，淨係呢個麵就值得我再次光顧做個回頭客。…查看更多