得閒飲茶

營業中

休息中

呢間餐廳就喺太子地鐵站A出口斜對面, 午飯時間超多人,喺外面排曬隊。 今日約咗幾個朋友去飲下午茶， 已經係晏晝四點， 所以唔使排隊， 一入去就有位喇。 今次叫咗幾樣點心， 分別係椰香黃金糕、山竹牛肉球、蜜汁叉燒腸、紫薯流沙煎堆仔、日式翡翠豆之和鳳爪排骨飯。 黃金糕味道清甜； 牛肉球味道好和叉燒腸夠滑； 翡翠豆之炸得鬆脆； 我最鍾意流沙煎堆仔， 外脆內軟， 裏面嘅流沙不斷湧出； 不過鳳爪排骨飯就千祈唔好叫， 啲飯煮到好似粥咁， 排骨嘅質素也未如理想， 骨肉分離。 佢哋嘅茶錢收四蚊一位， 叫埋可樂， 免收加一， 埋單189蚊。 我哋由四點坐到六點， 真係大滿足！