一樂燒鵝

營業中

休息中

話說之前食波記，個傻仔同事被伙記串親，同事就話以後唔去，之後我叫食波記佢都話做人要有骨氣。所以周圍再搵吓有冇正嘅燒臘檔。以前一樂我好鍾意，之後開番就真係一”樂”千丈，過咗一排我又好似失憶咁唔記得晒，番去幾次都失望，所以今次特登寫低佢。今次又再今我失望。唔明點解咁多人排隊，燒鵝一般，員工又唔友善。叫咗個鵝髀半肥瘦叉燒瀨粉+燒鵝叉燒飯外賣。冇比瀬粉比錯飯，好似怪我咁。啲燒臘睇相就知一般，燒鵝都可能比較正常，但係啲半肥瘦叉燒真係唔知食咗咩，接近垃圾級別。加埋個菜盛惠$285。