影片
更多
2018-08-11
92 瀏覽
我同媽媽都係東南亞美食嘅愛好者，之後食咗好幾次泰國餐，今次轉食印尼菜，所以嚟咗星期六日好多印尼姐姐都會嚟食嘅銅鑼灣Kampoeng。Kampoeng嘅意思即係鄉下、村屋，所以餐廳改呢個名都係想我地好似返咗印尼嘅家鄉，食到最正宗嘅印尼菜～今次點咗二人餐，前後唔洗15分鐘，已經全部菜式都上咗七七八八了，心諗大獲啦，全部份量咁多，兩個人真係食唔哂，唯有儘力而為！前菜：加多加多沙律，同西式沙律好唔同，除咗以花生醬為主嘅調味，入面都係熟嘅蔬菜，好似係豆角、芽菜、椰菜、豆干，薯仔、青瓜、烚熟嘅雞蛋。小食：印尼春卷、沙嗲串燒（牛、雞兩串），春卷包嘅係粉絲、蔬菜、蘿蔔。而印尼人主要係回教徒，所以沙嗲串係唔會有豬肉，同泰式唔同嫁。主菜：巴東牛肉。我之前食過最正宗嘅巴東牛肉係非常之辣，我係完全食唔到，但呢間辣度反而易入口，而且牛肉燜到好淋，好易送飯。個人覺得呢碟印尼炒飯就平平無奇，配料唔算多，可能比我地同巴東牛肉一齊食，下次我應該會試下海南雞飯更抵食！最後係蝦醬通菜，呢碟係最大碟又係最後上，實在太太太飽，無食咗好多，但蝦醬味唔太出，反而啱啲唔太鐘意蝦醬味嘅人。飲品我加了$25x2 點了椰青同珍多冰！必推椰
今次點咗二人餐，前後唔洗15分鐘，已經全部菜式都上咗七七八八了，心諗大獲啦，全部份量咁多，兩個人真係食唔哂，唯有儘力而為！
前菜：加多加多沙律，同西式沙律好唔同，除咗以花生醬為主嘅調味，入面都係熟嘅蔬菜，好似係豆角、芽菜、椰菜、豆干，薯仔、青瓜、烚熟嘅雞蛋。
小食：印尼春卷、沙嗲串燒（牛、雞兩串），春卷包嘅係粉絲、蔬菜、蘿蔔。而印尼人主要係回教徒，所以沙嗲串係唔會有豬肉，同泰式唔同嫁。
主菜：巴東牛肉。我之前食過最正宗嘅巴東牛肉係非常之辣，我係完全食唔到，但呢間辣度反而易入口，而且牛肉燜到好淋，好易送飯。
個人覺得呢碟印尼炒飯就平平無奇，配料唔算多，可能比我地同巴東牛肉一齊食，下次我應該會試下海南雞飯更抵食！
最後係蝦醬通菜，呢碟係最大碟又係最後上，實在太太太飽，無食咗好多，但蝦醬味唔太出，反而啱啲唔太鐘意蝦醬味嘅人。
飲品我加了$25x2 點了椰青同珍多冰！必推椰青，新鮮即開之餘，椰青肉仲好好味添啊～
張貼
